GMN TV Diarío IPG Hakoi ekipamentu AGI 32 hodi identifika ezisténsia mina no gás

IPG Hakoi ekipamentu AGI 32 hodi identifika ezisténsia mina no gás

Ekipamentu Amplified Geochemical Imaging (AGI) hamutuk 32, Instituto Petróleo Geologia (IPG) hakoi ona iha área Wailili to’o Venilale Munisípiu Baucau,  atu identifika ezisténsia mina no gás, tanba área hirak ne’e mak sai área prioridade ba IPG durante ne’e hodi halo peskiza ba mina no gás.

“Prosesu ne’e ita la’o tama ona iha ezekasaun, iha fulan Dezembru sosializasaun prekursu kuaze postu administrativu tomak, ne’ebé tama iha área estudu, liu-liu iha área Baukau no área Viqueque nian, tuir dadus no divizaun ne’ebé mak ami halo iha bloku 3, bloku ida ne’ebé mak kobre liu parte oeste, bolu bloku A, iha bloku B ne’ebé kobre husi Uatulari to’o iha Sesal, iha tan bloku ida mak kobre Baguia ho Laga nian, hahú husi servisu ne’ebé halo to’o ona faze kuda ekipamentu, ne’ebé agora dadauk iha Bloku A iha loron 3 hamutuk ekipamentu 32 mak tau ona iha parte oeste, liu-liu iha Venilale to’o wailili, atu hatene saida deit mak iha okos, liu-liu hanesan mina no gas”, informa Prezidente IPG Helio Casimiro Guterres iha nia kna’ar fatin ba GMN, Tersa (17/12).

Helio Casimiro hatutan, peskiza ba identifikasaun mina no gás ne’e, hahú ona iha loron 10 fulan Dezembru tinan ne’e, no sei remata iha fulan Juñu tinan 2020, maibé atividade kona ba hasai fali ekipamentu AGI ne’ebé hakoe iha terrenu ne’e, sei hala’o hafoin loron 42.

Helio Casímiro haktuir,  ekipa ba harii ekipamentu sira ne’e, oras ne’e dadaun halo ona prosesu sosializasaun ne’ebé la’o to’o ona iha Suku Babulo no Waitame, Munisípiu Viqueque, no tuir planu sei kontinua fali ba área Postu Administartivu Quelicai, Munisípiu Bacau no sei termina iha loron 6 fulan Janeiru tinan 2020.

“Agora dadaun ekipa de traballu  Timor-oan rasik no mós kompañia ne’ebé lori ekipamentu ne’e nia ema mai husi Geo Service ne’ebé hetan nia baze los iha Kanada, ekipamentu ne’e mai husi Kanada ne’ebé kuandu hotu sei lori fali ba Kanada”, relata Helio.

Prezidente IPG ne’e mós afirma, institutu iha ona planu atu kontinua peskiza ne’e ba Munisípiu sira seluk, liu-liu  fatin hira ne’ebé iha okurensia ba mina no gas, maibé atu halo investimentu ba petróleu presiza kustu bo’ot hanesan kustu ba Estudu identifikasaun peskiza no ekipamentu ne’e rasik.GMN


Banner

Foto

Notisia Ikus

Portu Díli sei transforma ba zona turístika

July 30, 2021
Primeiru Ministru (PM) Taur Matan Ruak, hatete b...

PN ezije Governu responde povu nia halerik durante pandemia

July 30, 2021
Reprezentante povu sira iha Parlamentu Nasionál...

PPN la admite kansela diskusaun lei EOJF

July 29, 2021
Prezidente Parlamentu Nasionál (PPN) Aniceto Gu...

Governu aplika SS iha munisípiu Ermera no Díli ba semana rua

July 29, 2021
Governu liu husi reniaun Konsellu Ministru, Kuar...

PPN Aniceto promete sei altera LPV antes mandatu remata

July 29, 2021
Prezidente Parlamentu Nasional (PPN), Aniceto Gu...
1 2 3 622

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker