Padre David : Sasán mundu labele sai Patraun ba sarani Katólika

Vigáriu Paroquia Liquiça,  Padre Davíd Alves da Conceição, hateten  sasan iha mundu labele sai patraun ba sarani katótika,  maibé Maromak maka tenke sai patraun ba nafatin.

“Sarani katólika sira iha Leorema uluk iha tempu okupasaun Indonézia ita  fiar ba Na’in feto de graça maibé agora ita bo’ot sira kontinua fiar ka la’e tanba sente ba sasan mundu hanesan kareta motor no uma diak ona ,tanba ne’e mai ita halo refrelasaun,”Padre Davíd Alves hato’o lia hirak ne’e ,  iha nia omília bainhira prezide misa agradesementu  prezensa Na’in Feto de Graças tinan 49  iha suku Leorema Postu Administrativu Bazartete   munisípiu Liquiça Kuarta (27-11-2019)

Padre Davíd husu ba sarani Leorema  atu laran metin nafatin ba Na’in feto de Graça  no hamutuk ho autoridade lokál sira hodi dezenvolve Leorema ,tanba iha okupasaun indonesia

Prezidente Komissaun Organizadora Rofino Alves Fátima hateten , orsamentu ba konstrusaun gruta ne’e ,  mai husi kontribuisaun saranu sira  husi uma lisan 10 no mós balun  apoiu husi kompañia balun

“Ho uma lisan 10 nia kontribuisaun no ami nia esforsu tomak  ohin loron  halo misa hodi  inaugura ba gruta  ida ne’e uma lisan 10 hal’o servisu duran tina ida nian laran no iha loron 27 fulan ne’e bele halo inaugurasaun”haktuir Rofino

Rofino apelo  ba joventude sira iha suku leorema atu servisu hamutuk hodi dezenvolve suku leorema , tanba antes ne’e suku leorema  sai ona risku mean  ba violensia juventude sira tenke hakribi violensia tenke hanoin atu halo dezenvolvimentu.ety