GMN TV Divertimento Artista TL nain 5 sei tuir kompetisaun Dangdut Akademia ASEAN

Artista TL nain 5 sei tuir kompetisaun Dangdut Akademia ASEAN

0 views

Televizaun Indosiar Indonesia halo parseiru ho Televizaun ETO Telco Timor-Leste  hodi halo preparasaun ba pra-audisi no audisi final hodi hili artista Timor oan nain lima (5), reprezenta Timor-Leste hodi ba tuir kompetisaun akademia  muzika dangdut  ASEAN ne’ebe maka sei hala’o iha Indonesia

Edmundo Freitas Lopes husi Eto Telco, liu husi konferensia imprensa iha Studio Eto Mais, Kuarta (20/7/2016) hatete,  selesaun sei hala’o iha 23 iha estudio ETO  Mais no audisi final  31 Jullu iha Timor Plaza, no se mak liu fase rua ne’e bele tuir selesaun final ne’ebe sei halo iha Timor Plaza.

“Atu hili se mak sai vensador iha selesaun ne’e ekipa husi televisaun Indosiar mak mai  halo,  laos juri Timor oan sira. Ami halo ida ne’e para ema labele diskonfia Timor oan sira mak hili malu deit,”katak Edmundo.

Edmundo hatutan tan,  Kriteria ba artista  sira atu ba tuir kompetisaun ne’e tenki idade husi  tinan 15 to’o 30 no muzika ne’ebe maka atu kanta ne’e maka lian Indonesia tanba hala’o iha Indosiar Indonesia no nia ritmu dangdut no registu ba kompetisaun ne’e la selu gratuita.

“Ba artista feto ho mane ne’ebe maka hakarak tuir bele mai registu hodi kompete ba,”dehan nia.

Tuir Edmundo, atu halo selesaun ba konkorentes sira ne’ebe atu tuir kompetisaun ida nee, ETO TELCO fo fiar ba Timor oan nain tolu atu sai nuudar juri, hanesan Jose Manuel Masquita Freitas, Didinho Marcal no Manuel  de Jesus.

Alem de ne’e, ETO TELCO mos fo fiar ba artista senior Anito Matos sai nudar komentator atu reprezenta TL akompaña komentator sira  husi Indonesia nian iha eventu kompetisaun muzika  akademia dangdut  ASEAN.

“Ami fasilita deit atu eventu selesaun ne’e la’o ho diak. Ami laiha direitu atu determina se-se mak bele reprezenta TL tuir kompetisaun muzika dangdut ne’ebe sei involve artista husi nasaun ASEAN nia laran,” katak Edmundo.

Entretantu, ekipa juri Jose Manuel Mesquita Freitas, Didinho Marcal no Manuel  de Jesus hatete sira prontu atu sai juri ho sira nia espriensia no matenek neebe iha, maibe husi juri nain tolu nee mos sei tuir selesaun atu hili ida mak bele reprezenta TL akompania Timor oan nain lima neebe liu ona selesaun hodi reprezenta TL tuir kompetisaun muzika dangdut ASEAN ne’e.

“Ami agradese tebes ba ETO TELCO neebe fo fiar ba ami atu sai ekipa juri ba selesaun ida nee, maibe husi ami nain tolu nee mos sei tuir selesaun atu hili ema ida mak bele reprezenta TL ba eventu ida nee,” hatete Jose  Freitas.

Nia aumenta katak selesaun nee sei halo husi ekipa televisaun Indosiar nian neebe sei mai iha TL.

Sai hanesan juri ba iha selesaun artista Timor-Leste ba eventu internasional muzika akademia dangdut ASEAN 2016  ne’e maka Jose Manuel Mesquita Freitas, Didinho Marcal no Manuel de Jesus, komentador maka artista senior  Anito Matos . Des


Banner

Foto

Notisia Ikus

PN kestiona PolTranz “falla”, Komandante PolTranz husu Deskulpa

October 15, 2021
Parlamentu Nasional (PN) liu husi Deputadu Komis...

Posibilidade CNRT sei la akompaña Governu hala'o kampaña vasinasaun

October 15, 2021
Deputadu sira iha Parlamentu Nasionál (PN) ohin...

Ohin, Governu aprezenta OJE 2022 ba PN

October 15, 2021
Governu aprezenta Orsamentu Jerál Estadu (OJE) ...

Governu kontinua “alerta” FP la vasina, sei la tama servisu

October 14, 2021
Ministru Prezidensia Konsellu Ministru, Fidelis ...

SEAKLN “defende” veteranu la impede dezenvolvimentu

October 14, 2021
Sekretáriu Estadu Asuntu Kombatentes Libertasau...
1 2 3 652

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker