GMN TV Divertimento Julieta: “hakfodak tebes wainhira okupa possisaun II”

Julieta: “hakfodak tebes wainhira okupa possisaun II”

0 views

Eskola sekundaria Sagrada Coração de Jesus nia estudante ho feto ida ho naran Julieta D.E.C Monteiro sente hakfodak wainhira rona husi jurista neébe temi sai katak, Julieta sai manan nain segundu lugar ba kompetisaun pinturas nível Nasional.

“Hau hakfodak tebes wainhira júri sira temi sai manan nain sira nia naran, neébe hau mos núdar manan ida okupa posisaun rua,” informa artista Julieta D.E.C Monteiro ba Jornalista sira  iha nia eskola Sagrada Coração de Jesus Becora Dili, Sabádu (06/08/2016)

Artista pintura Julieta hateten liu tan katak, sente hakfodak tebes no ladun fia-án atu bele sai núdar manan nain iha kompetisaun pinturas neé, involve husi estudante hamutuuk nain 48 neébe nudar selesionadu husi sekundaria 17.

Iha momento kompetisaun neé, Julieta hateten, ladun fiar-án maibe iha momento neé nia iha esforsu másimu tebes, tanba considera katak kompetisaun neé laos nível babain.

“Hau ladun fiar-án iha momento kompetisaun neé, maibe hau considera kompetisaun neé laos kompetisaun babain i kompetisaun neé nível nasional neébe nakonu ho kompetetivu tebes, tanba neé hau mos halo esforsu másimu i toó ikus bele tama mos iha lista manan nain núdar segundu lugar,” afirma Nia

Desde husi kiík kedas, wainhira hahu tama ba eskola primaria, neé iha hobby halo dezeñu no hau gosta tebes tanba hatene katak iha mundu neé nakonu ho kores oioin, i neé mak sai motivasaun boot bah au apriende no agora dadauk artista pinturas mos, dehan Nia

Manan nain segundu lugar neé ninia dezeñu neébe foka liu ba ambiente no natureza neé promete katak, sei fahe ninia esperensia neé ba nia kolegas estudantes neébe mak iha interesse ka vontade atu apriende.

Ikus liu, hakara atu hatoó deit katak sente contente tebes, i laos contente ho premiu neébe hetan neé, maibe kontenete tanba bele iha oportunidade hodi partisipa ba eventu kompetisaun, dala ida tan laos valor segundu lugar U$ 550.

Haesan tuir dadus neébe Jornalista JN-Diário asesu antes, husi komisaun organizadora Grupo Kreativu Matadalan Foinsa’e (GKMF) relata, eskola sekundariu iha capital dili ne’ebé partisipa eventu ne’e mak, Eskola Sekundaria (ES) Katolika  Canossa, ES Colegio São Miguel, ES Paulo VI, ES Sagrado Coração de Jesus Becora, ES Geral 12 de Novembro, ES Anur, ES Nicolao Lobato, ES 10 de Dezembro, ES Cristal, ES 28 de Novebro, ES Nobel da Paz, ES SMEA, ES São Pedro, Eskola Tecnica Informatica, Eskola Tecnica Professional Becora no Eskola Sekundaria Hotelaria. Ito


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker