GMN TV Divertimento Marvi-Gerson hamorin TL iha mundu

Marvi-Gerson hamorin TL iha mundu

0 views

Parlamentu Nasional (PN), konsidera katak, artista Maria Vitoria (Marvi) ho Gerson Oliveira hamorin Timor-Leste  (TL) nia naran iha mundu internasional liu husi sira nia kapasidade kanta ne’ebé mak aprezenta iha Dangdut Academy Asia 2 (DAA2) iha Jakarta-Indonesia.

Tuir xefi bankada Partidu Demokratiku (PD), Maria Lourdes Bessa, katak, sente orgulho tebes ho kapasidade Timor oan nain rua ne’e nian iha muzika, tanba reprezenta Estadu Timor hodi ba partisipa iha aktividade internasional sira.

“Sente orgulho boot, tanba Timor oan ida ba reprezenta ita nia nasaun nia naran ho susesu boot iha Países lubuk ida ASEAN ninian, sira hamorin tebes ita-nia nasaun nia naran iha Mundu,”hatete xefi bankada PD ne’e ba Jornalista sira iha uma fukun PN, Sesta (18/11/2016).

Reprezentante povu ne’e dehan, karik Timor oan nain rua ne’e presija tulun ka apoiu ruma husi Estadu, Estadu tenke fo. Tanba lori mos nasaun nia naran ba rai liur.

“Los duni katak, Estado nunka tau kestaun ba iha muzika nian. Uluk ita investe los ba iha Miss Timor tanba atu fo sai ita nia naran, maibe realidade ita la haree. Ne’e hanesan lisaun id aba ita, tenke aprende no buka mos atu fo apoiu ba situasaun sira hanesan ne’e,”subliña deputada Bessa.

Deputada Bessa afirma tan katak, Estado iha obrigasaun atu investe ba iha Maria Vitoria no Gerson, tanba sira ba la’os reprezenta sira nia an ka familia, maibe reprezenta Estadu.

Iha fatin hanesan, xefi bankada Frente-Mudansa (FM), José Luis Guterres mos sente orgulho tebes ho kapasidade Timor oan nain rua ne’e nian, tanba hatudu buat ne’ebé mak diak tebes iha mundu internasional.

“Ha’u la akompanha hotu sira-nia aprezentasaun ne’e, mas ha’u ho laran ksolok, kontente tanba sira nia aprezentasaun furak teb-tebes,  ne’e orgulho boot ida ba ita nia nasaun,”dehan nia.

Haree ba kapasidade Marvi ho Gerson nian, tuir Eis Governante ne’e katak, atu hatudu ba jerasaun foun sira katak ema ida-idak bele fo sira-nia kontribuisaun ba Estadu liu husi sira nia esforsu rasik.

“Ohin loron la’os ona tempu atu funu, baku malu, kria konflitu. Maibe tenke paz, ne’ebé dezenvolvimentu ne’e ida-idak ho nia kontribuisaun hanesan liu husi muzika, tanba kreativu, balu sai engeneiru no mos balu sai jornalista hodi kontribui dezemvolve nasaun diak liu tan,”afirma Lugu.

Eis Diplomata ne’e husu ba Estadu tenke fo apoia no tau kondisoens ba talentu múzika, tanba ho múzika bele hamorin nasaun nia naran iha liur.

Programa famozu Dangdut Academy Asia 2 ne’e fo sai iha Kanal Indosiar, Televizaun Privada Indonesia nian. Dangdut Academy Asia 2 ne’e envolve artista sira husi Asia hanesan, Timor-Leste, Singapura, Malaysia, Thailandia, Brunei Darussalam no Indonesia rasik.mia


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker