GMN TV Divertimento Hakbiit talentu iha múzika, Grupu Orchestra “Berliku Lian” realiza konsertu Natál

Hakbiit talentu iha múzika, Grupu Orchestra “Berliku Lian” realiza konsertu Natál

12 views

Grupu Orchestra “Berliku Lian” realiza konsertu Natál, hodi promove foin sa’e sira nia talentu iha área múzika. Konsertu Natál ne’ebé realiza iha Centro Convenções de Díli (CCD) semana ne’e hodi hakbi’it foin sa’e sira nia talentu iha área múzika.

Fundadór Berliku Fanu Rai (BFR) no Berliku Lian (BL), Kiera Zen, hateten, konsertu dahuluk ne’e ho objetivu halibur joven sira, hodi manan esperiénsia nomós buka apoiu fundus, ba kontinuasaun dezenvolve grupu Orchestra Berliku Lian iha futuru.

“Ami uja oportunidade ne’e, aleimde fó espasu ba sira hotu hanesan gaiña esperiénsia, nomós halo selebrasaun Natál iha Konsertu Orchestra. Aleimde ita hakarak organiza konsertu Natál, depois fó espasu ba joven sira atu gaiña esperiensia mós, tanba ami nia kooperasaun ho Governu termina iha tinan ida ne’e. Atu kontinua ba tinan oin, ami presiza apoiu, tanba joven sira ne’e manan tiha ona matenek, no atu kontinua ba oin atu hanorin joven sira seluk ami presiza fundus operasionál. Tanba ne’e mak sira ne’ebé mak manan tiha ona matenek husi apoiu estadu nian ne’e, iha responsabilidade morál, hodi toka fila-fali hodi buka osan uitoan para pois bele kontinua kursu ne’e hanorin alin foun sira tuir mai” hateten Fundadór (BFR) no (BL), Kiera Zen hafoin konsertu Orchestra, Sábadu (28/12/2019), iha CCD.

Iha opurtunidade ne’e mos, Laureadu Nobél da Paz, José Ramos Horta hatete, Atividade Orchestra ne’e inportante tebes hodi promove joven sira nia talentu.

Tanba ne’e, eis prezidente Republika ne’e husu ba Governu tenki iha polítika hodi investe mós fundus ba iha área múzika iha Timor Leste.

“Governu tenki haree didi’ak, fó apoiu makaas liu ba grupu sira ne’ebé ita haree tinan lubuk ida nia laran ona, sira rasik ho sira nia kbi’it, sira nia esforsu, sira nia kosar, sira halo inisiativa, ba grupu nune’e Governu tenki iha orsamentu balun tulun sira. Koalia ho koligasaun, Governu, para haree, tau matan kedas iha tempu badak kedas, hadi’a orsamentu fó ba arte kultura no ba desportu. Tenki haree ne’e hanesan prioridade ida, ne’e la’os entertenimentu deit, atu halo entertenimentu ita tenki preparasaun, atu halo atividade mundiál, tenki investimentu maka’as tinan lubuk ida nia laran, para lori Timor nia naran ba mundu” informa, Eis PR, José Ramos Horta.

Grupu Orchestra Berliku Lian, hetan apoiu fundus no ekipamentu husi líder karismátiku Kay Rala Xana Gusmão no Governu Anterior, liu husi Sekretário Estadu Juventude no Desportu. Maibé Governu atuál seidauk apoiu fundus no ekipamentu.

Partisipa iha konsertu Natál ne’e, líder nasionál kay Rala Xanana Gusmão, eis PR José Ramos Horta, membru Governu, membru Parlamentu Nasionál, Prezidente GMN, inklui komunidade sira. GMN


Banner

Foto

Notisia Ikus

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...

Governu kontinua propoin PR renova EE da-19

October 21, 2021
Konsellu Ministru (KM) iha reuniaun Kuarta (20/1...

Movimentu livre iha finadu, Governu apela sidadaun “tenke” vasina

October 21, 2021
Ministru Prezidénsia Konsellu Ministru (MPKM), ...

MOP la realiza ninia promesa

October 20, 2021
Ministériu Obras Publikas (MOP), Diresaun Nasio...
1 2 3 653

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker