MUSICA SEMANÁL

GMNTV líu hosi ekipa produsaun realiza ona programa espesial Musica semanál ba ovintes no telespetadores sira mak gosta ho musica hodi anima no hamaluk loron fim de semana.

Programa musica semanál sei hamaluk ovintis no telespetadores sira iha loron Domingo oras 20:00 kalan hafoin Jornal Nasionál. Programa ida nee sei prezidi ou aprezenta hosi aprezentadór nain rua Dino Cabral e Sonia Silva Branco. Oinsa telespetadores  sira bele partisipa direta iha programa ida nee, Telespetadores ou ovintes sira bele manda mensagen ba iha número kontaktu +67077453812 ekipa produsaun GMNTV.

Ovintis no telespetadores bele husu musica internasionál e mós nasional depende musica ne’ebé mak gosta nomós musica ne’ebe bele hamaluk iha loron fim de semana nian. Objektivu hosi programa ida nee atu promove mós musica local nomós hodi anima telespetadores sira nia loron deskansa iha fim de semana. Ho objektivu ida nee GMN mos husu ba artista local Timor-Leste ne’ebé mak iha ona video clip bele manda mai GMN hodi nune bele loke fila fali ba telespetadores sira hotu. Programa ida nee sei lao nafatin no agora dadauk iha ona gravasaun ba episódiu lima(5) portantu ba oin programa ida nee sei kontinua no hamaluk ovintis no telespetadores sira ho musica oioin. Produsaun-GMNTV

Leave a Reply

Your email address will not be published. Required fields are marked *