GMN TV Economia AATL kompleta tinan 19, MF husu funsionáriu hatudu profisionalizmu

AATL kompleta tinan 19, MF husu funsionáriu hatudu profisionalizmu

0 views

Ministeriu Finansa (MF) segunda (28/01) selebra Loron Mundial Alfândegas, no mos komemora tinan 19 (28/01/2000 – 28/01/2019) esistensia Autoridade Aduaneira Timor-Leste (AATL), iha Ministeriu Finansas.

Iha aniversario ba dala 19 AATL ne’e lansa mos slogam foun AATL nian, “Fronteiras SMART para Comerçio, Viagens e Transportes sem descontinuidade”.

Ministra Finansas Interina, Sara Lobo Brites, hateten, iha loron Segunda (28/01/2019) nudar dias natalis Alfândegas ba 67 no Alfândega Timor-Leste ba dala 19, aktividade ne’e tinan-tinan sempre komemora iha loron 28 Janeiru, ba tinan ne’e Alfândega komera ho realiza seminário ida.

“Durante serbisu Alfândega nian iha progresso diak, tanba uza ona sistema modernu, kompara ho antes uza sistema antigu, maibe agora uza ona sistema elektronik, ka online, entaun ita nia importadores sira bele asesu ba sistema liu husi sira nia computadores sein prezensa fizikamente iha edefisiu Alfândega ne’ebe ho sistema ne’e redus tiha demora tempu antes ne’e lori tempu 60 ba prosesu dokumentu ida, maibe agora tun ona ba loron 30 ne’e hau hanoin progressu ida diak tebes”, dehan Sara L. Brites.

Governante nee apela ba funsionáriu Alfândega atu servisu ho profesionalismu, disciplina, tanba Alfândega hanesan odamatan boot nasaun nian, hanesan sasan ne’ebe tama mai nasaun liu husi Alfândega, tanba ne’e presiza funcionário ne’ebe iha integridade as no serbisu profesional”, apelu Ministra Finansas Interina.

Iha fatin hanesan, Diretór Jerál Autoridade Aduaneira, José António F. Abílio, hateten, iha selebrasaun aniversario ba dala 19 Alfândega TL ne’e lansa mos slogam Alfândega nian ba tinan 2019.

“Objetivu husi lansamentu slogan ne’e hodi fó hanoin ba Administrasaun Alfândega iha teriotiro Timor-Leste atu bele komemora loron ne’e hodi haree asaun saída maka foti relasiona ho slogam WCO fo sai katak smart ba Transporte, Komunikasaun no deslokasoens sira ne’e para bele kria ambiente ida ne’ebe favorável liu para nune’e pasajeiros ka comerciantes se deit maka ultrapassa husi fronteiras bele hetan tratamento ida lalais ba prosesu merkadoria hodi nune’e labele atraza ba komersio, tanba ita hatene katak Alfândega hanesan odamatan nasaun nian, n’ebe iha responsável boot atu komunika ho komunidade tantu nasional no estranjeiro sira bainhira ultrapassa fronteiras, ho slogam ne’e atu fo motivasaun ba Alfândegas atu refleta fila fali saída maka halo durante ne’e”, dehan diretór.

Nia hatutan, Slogam ne’e mos atu garante aktividades ilegais iha território TL, evita mos sobornu ne’ebe sai preukupasaun publiku.

Lideransa masimu Diresaun Jerál Autoridade Aduneira ne’e dehan, durante ezistensia atinji ona susesu ne’ebe significante.

`“Susesu barak maka ami konsege, tantu husi parte sistema, enkuadramentu legais, intendementu operasaun no parte komformidade, diresaun sira ne’e iha ligasaun ba malu, tanba uza sistema Asycuda World hanesan plataforma ida ne’ebe Governu liu husi rezolusaun ida ne’ebe aprova iha tinan 2016 hanesan plataforma ida hanesan janela unika, ne’ebe kuandu tama ona iha faze ida ne’e signifika katak esforsu barak ne’ebe halo liu tan ho nasaun sira seluk”, dehan José António.

Nia dehan tan  informasaun sira ne’ebe AATL hato’o tenke liu ba sira para sira mos bele hatene, rekezitus saída maka presiza para sira bele halo importasaun ruma, no ita mos buka hatene rekezitus saída maka sira nia lei permite para fo mai no husi parte ita nia lei la fo dalan ne’ebe bele harmoniza situasoens sira hanesan ne’e para lori fasilita komercio kuandu la fasilita komercio konseteza investor sira mos atu mai sei hanoin barak, tanba importador sira mai ho objetivu atu hetan benefisiu.

Komemorasaun aniversario ba dala 19 ezistensia AATL no loron mundial Alfândegas ne’e hala’o ho misa agradesementu, no seminário durante loron ida, iha ne’ebe partisipa husi Komisario Komisaun Funsaun Publiku, Prezidenti Komisaun Anti Korupsaun, Sérgio Hornai, no funcionário AATL. mia


Banner

Foto

Notisia Ikus

Ramos Horta: Papa Francisco kontente TL nia desizaun implementa DFU

May 19, 2022
Prezidente Repúblika (PR) eleitu, José Ramos H...

PR Lú Olo promulga OJE Retifikativu 2022

May 19, 2022
Prezidente Repúblika (PR), Francisco Guterres L...

Despede Lú Olo, PM Taur prontu servisu hamutuk ho PR eleitu

May 19, 2022
Primeiru Ministru (PM), Taur Matan Ruak, ho jest...

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...
1 2 3 728

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker