GMN TV Economia Governu tenki kontrola traballadór estranjeiru iha TL

Governu tenki kontrola traballadór estranjeiru iha TL

0 views

Bankada Frente Revolucionário do Timor-Leste Independente (FRETILIN), husu ba Governu, liu husi Sekretáriu Estadu Formasaun Profisionál no Empregu (SEPFOPE), atu kontrola traballadór estranjeiru  hirak ne’ebé maka uza vistu turista hala’o servisu iha kompaña no restorante sira Timor-Leste (TL).

“Ha’u hanoin ida ne’e importante, Governu tenki kontrola, tanba polítika VII Governu, liu husi eis SEFOPE, Nivio Magalhães identifika traballadór estranjeiru lubuk ida maka uza vistu turista  hodi loke restorante”, deputadu bankada FRETILIN, Fabião de Oliveira liu husi ninia intervensaun polítika, iha plenária, Tersa (15-01-2019).

Nia esplika, Governu tenki kontrola problema traballadór estranjeiru balun ne’ebé maka uza pasaporte ho vistu turista ne’ebé servisu iha TL, tanba sé la’e Governu abandona traballadór lokal ou Timoroan hirak ne’ebé maka iha skill, atu servisu iha restorante, kompaña balun, bada’in uma no selu-seluk tan.

“Se ita fó oportunidade ema seluk uza vistu turista mai servisu iha rai laran, ne’e ita abandona ona, ita nia traballadór lokal sira ne’ebé maka iha skill atu servisu iha área hirak ne’ebé maka traballadór estranjeiru sira okupa hela”, tenik deputadu bankada FRETILIN ne’e.

Hatán ba preokupasaun ne’e, Ministru  Reforma Lezislativa  Asuntu Parlamentar (MRLAP), Fidelis Magalhães hateten, Governu ajenda ona no sei hato’o ba parte kompotente atu halo asaun ba problema ne’e.

“Preokupasaun hirak ne’e, ha’u labele responde ida por ida, tanba preokupasaun hirak ne’e interligados, diak liu tenki konfirma ho parte kompotente fó resposta por escrita ba deputadus sira”, haktuir Fidelis Magalhães.

Antes ne’e, iha VII Governu nia ukun, eis SEFOPE, Nivio Magalhães halo ona inspesaun ba restorante no kompaña sira iha Díli laran, identifika traballadór estranjeiru lubuk ida maka uza ho vistu turista, halo servisu iha Timor-Leste. Ety


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker