GMN TV Economia Implikasaun husi impase polítiku, Empreza 94 taka, Timor-oan 1000 lakon servisu

Implikasaun husi impase polítiku, Empreza 94 taka, Timor-oan 1000 lakon servisu

0 views

Kuaze tinan 2 ona Timor-Leste (TL) hasoru impase polítiku, iha ne’ebé afeta ba situasaun rai laran, liu-liu setór ekonomia nian. Relasiona ho situasaun ne’e, empreza sira ne’ebé investe iha TL tantu nasionál no internasionál barak maka deside taka ona sira nia kompañia, tanba laiha ona finanseiru.
Diretor Ezekutivu Servisu Rejistu no Verifikasaun Emprezarial (SERVE, Instuto Publico) , Florêncio Sanches, hateten, SERVE simu pedidu taka kompañia iha Timor - Leste hamutuk 1000. Maibe husi numeru ne’e, 94 deit maka konsege taka, restante lakonsege, tanba SERVE halo aprosimasaun.
“Iha tinan 2018 pedidu ne’ebé tama mai iha SERVE atu husu taka sira nia kompañia kuaze 1000, sira husu hau para hatun despaxu bele ou labele, tanba hau haree numeru ida ne’e boot teb-tebes, hau labele simu dereitamente pedidu ne’e hodi taka deit, maibe hau halo fali aprosimasaun hodi hau husu razaun sira nian hakarak taka kompañia, sira fo razaun ba hau katak sira laiha negosio, laiha osan selu taxa, no hakarak negosio maibe laiha ona kondisoens, entaun hau fo opsaun rua ba sira, hanesan la presiza taka kompañia, tanba kompañia hanesan instituisaun, no opsaun segundu maka taka deit aktividade komercio, ne’ebé sira balu komprende tebes, ne’ebé husi 1000 konsege taka deit maka 94, sira taka sira nia kompañia, restu mantein hafoin rona tiha hau nia esplikasaun”, hateten Diretor Ezekutivo SERVE-IP, Florêncio Sanches ba JNDiário iha nia kna’ar fatin, Matadoro, Dili, Tersa (29/01/2019).
Florêncio Sanches haktuir, nain ba kompañia 94 ne’ebé taka sira nia kompañia iha Timor ne’e maioria mai husi sidadaun estranjeiro timor-oan kuaze 45 %, no aktividade kompañia hirak ne’ebé antes iha maioria iha area konstrusaun.
“Razaun forte ne’ebé sira hato’o mai hau maka sira nia aktividade la hetan ona kondisoens, tanba ho impase polítiku ne’ebé akontese iha ita nia rain, depois hau hatan fali ba sira katak impase polítiku la’os foin primeira vez akontese iha TL mas iha nasaun seluk mos, iha TL foin fula hirak deit kompara ho nasaun seluk kleur tebes, maibe ita simu razoens sira ne’e, tanba ita nia rain 85 % depende be OJE. Ne’ebé kuandu orsamentu Estado la sulin ona mai kraik atu nune’e empresário sira utiliza ba kompras ne’e dificuldade boot kompara ho rai balu impase polítiku akontese to’o tinan, tanba seitor privadu forte teb-tebes”, dehan Diretor Ezekutivo.
Diretór inistituto Publiku nee ne’e espera katak, lider polítiku sira bele tur hamutuk hodi rezolve problema rai laran nune’e bele dezenvolve nasaun no fó moris diak ba povu.
Tuir kalkulasaun SERVE nian katak trabalhador timoroan 1000 maka lakon servisu, iha timor-oan balu mos mai husu servisu ba ami, maibe ami dehan SERVE la’os fatin buka servisu, mas SERVE hanesan fatin rejistu.
Maske nune’e, SERVE mos nafatin simu rejista kompañia foun iha fulan Janeiru 2019, dadus ne’ebé SERVE iha hahu fulan Maiu tinan 2013 to’o Dezembro tinan 2018 rejista empreza 24 mil, no iha Janeiru tinan 2019 SERVE-IP simu deit rejista empreza nen (6). mia


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker