GMN TV Economia Infraestrutura ladi’ak, turista 1700 vizita TL oras ualu de’it

Infraestrutura ladi’ak, turista 1700 vizita TL oras ualu de’it

0 views

Turista 1700 husi nasaun oi-oin, Kuarta (16/01), mai vizita Timor-Leste (TL), hodi haree fatin turístiku sira iha nasaun foun ne’e. Maibe iha vizita ida ne’e infelizmente oras ualu nia laran de’it, tanba infraestrutura ne’ebé TL iha ladun di’ak mak barak.

Diretur Jeral Ministériu Turismu, José Quintas hateten, turista hamutuk 1700 mai vizta TL ho objetivu mak atu haree fatin  turistiku no historiku sira iha TL.

Tanba ne’e, José Quintas, dehan, Ministériu Turizmu sei  servisu hamutuk ho parte kompetente atu hadia infra-estrutura iha portu Díli, atu nune’e turista sira ne’ebé mai vizita TL bele senti konfortabel.

“Iha tinan 2019 ne’e, ita hetan vizita ró Cruzeriu rua, ne’e sinal ida di’ak tebes, foin primeira vez, iha fulan Janeiru ita iha ró Cruzeriu mai dala rua kedas, maibé sé haree fali ba Domingu kotuk nia numeru ki’ik 450 de’it,  maibé ohin ne’e sa’e fali ba 1700. Tanba ne’e mak ha’u senti saida mak ita presiza hadia mak, infra-estrutura báziku iha Portu Díli ne’e, atu nune’e  turista  sira ne’ebé vizita senti konfortabel”, dehan Jose Quintas ba Jornalista sira Kuarta (16/01/209) iha Portu Díli.

José Quintas haktuir, ba oin sira sei halo kordenasaun nafatin ho autoriedade Portu Díli, para oinsa bele halo rehabilitasaun terminal, liu-liu  ba pasajeiru sira, no Ministériu Turizmu mós sei tau orsamentu oituan ba rehabilitasaun terminal ne’e, li-liu rehabilitasaun ba sintina no hariis fatin sira.

“Turista hirak ne’e sei hala’o vizita, balun ba Munisípiu Likisa no Ermera, nomós balun vizita de’it situs turístiku sira  iha kapital Díli. Husi aspeitu  seguransa di’ak tebes, ita-nia kolega sira husi PNTL fó seguransa másimu, tuir Ministériu Turismu nia prespetiva haree katak, iha aspetu promosaun no marketing di’ak tebes”, relata  José Quintas.

Nia esklarese, turista sira ne’e, mai husi nasionalidade oin-oin, balun mai husi Australia, Amerika, Europa no nasaun seluk tan.

“Kona ba vizita ne’e, normalmente turista sira ne’e mai Timor durante oras walu, maibé iha futuru  la taka dalan, sira mós bele mai iha ne’e to’o loron rua to’o tolu,  tanba buat ne’e depende ba infrastrutura di’ak no portu di’ak,  sira sei vizita durante loron tolu ka liu husi loron tolu ne’e”, katak José.oly


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker