GMN TV Economia Populasaun 30% afeta seguransa alimentar

Populasaun 30% afeta seguransa alimentar

0 views

Ministru Agrikultura no Peska, Joaquim Martins Gusmão, hateten, populasaun iha Timor-Leste (TL) 30% mak afeta ba seguransa alimentar, tanba rendimentu ekonómiku ne’ebé kiik tebes.

“Ita iha 30% populasaun Timor-Leste mak infrenta aihan krónika no 21 % infrenta alimentar krónika moderadu no mos 15% ne’ebé mak seguransa alimentar ne’ebé grave”, afirma Joaquim Martins Gusmão, iha nia deskursu Lansamentu Primeriu Relatoriu Análiza Krónika Faze Klasifikasaun Integradu Aihan iha Ministeriu Finansas Aitarak Laran, Díli, Kinta-feira (17/01/2019).

Nia hateten, populasaun sira nia produtividade ki’ik ne’ebé konsumu aihan ne’ebé mak ho kualidade, tanba ne’e importante tebes atu reforsa nia kuantidade husi governu.

Governante ne’e promete oitavu governu ne’e sei tau prioridade produtividade agrikultura nian, nune’e mos kapasita agrikultor sira oinsa bele minimiza seguransa alimentar ne’ebé porsentu aas.

Iha sorin seluk reprejentante Food and  Agriculture Organization of the United Nations  (FAO), Paula da Cruz, hateten, tuir dadus ne’ebé FAO rekolla hahu husi 2007 to’o 2017 hatudu katak populasaun maioria mak seidauk konsumu aihan diak.

 “Ita halo klasifikasaun segurasan alimentar, bazeia ba dadus nasional sira ne’ebé mak iha ona. Ita nia dadus estatistika hare konaba pobreza padraun vida moris hare konaba saúde, hare konaba demografia, hare konaba rendimentu ekonomiku, entaun husi análize sira ne’e hotu”, afirma nia.

Nia dehan husi dadus sira ne’e hotu FAO servisu hamutuk ho Ministeriu Agrikultura no Peska estabelese ekipa nasional ida ne’ebé kompostu husi sétor hotu hotu ne’ebé ligasaun servisu ho seguransa alimentar, hanesan saúde, agrikultura rasik, komersiu industria, edukasaun, finansas, igualdade ne’ebé akipa hamutuk 26 ne’ebé mak bolu análistas nasional, no sira hetan formasaun iha tinan hirak liu, sira estuda dadus sira ne’ebé mak iha.

“Klasifika ita nia populasaun ne’ebé mak iha, tuir munisípiu ida-idak nian no total ema nain hira mak hetan klasifiksaun primeriu mak laiha problema seguransa alimentar, klasifikasun segundu katak iha problema oituan maibe seriu no klasifikasaun terseriu katak problema grave oituan no klasifikasaun kuartu mak grave tebes katak seriu tebe-tebes ita tau matan”,tenik nia.

Husi análiza ne’e hatudu katak, Munisípiu tolu hanesan Ermera, Bobonaru ho Oecusse, tama iha klasifikasaun kuartu, katak sira iha problema boot husi seguransa alimentar.

“Ida ne’e hatudu katak nasionalmente 30% husi ita nia populasaun Timor Leste bazeia Sensus populasaun 2010 nian 1.300 resin mak monu iha klasifikasaun iha kuartu ne’e katak, sira iha problema boot tebes iha seguransa alimentar,”tenik nia.Aes


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker