Reprezentante Espesiál Governu Ba Assuntu Petróleo, Kay Rala Xanana Gusmão esplika kona-ba dada kadoras mina mai Timor iha Konferénsia Internsionál Enerjia Mina no Gás Iha Abu Dhabi Arábia Saudita.
Konferénsia Internsionál ne'e ko’alia kona-bá diversifikasaun ekonomia país ne'ebé iha dependénsia ba Petróleu.
Hafoin partisipa konferénsia internsionál enerjia mina no gás iha Abu Dhabi Arábia Saudita, Xanana Gusmão fila hikas mai Timor iha Tersa (15/01/19).
Xanana konta tuir katak, durante konferénsia Internsionál ne'e ko’alia liu kona-bá diversifikasaun ekonomia iha país sira ne'ebé moris depende liu ba Petróleu.
Alende ne'e Xanana Gusmão esplika mos ba partisipante sira kona-ba Timor Leste sei dada kadoras Mina Mai Timor, ne’ebé bele hakbiit seitór privadu liuliu kria kampu servisu ba timoroan sira.
"Haree ba rai sira ne'ebé iha ekonomia dependensia ba petroleo, ne'ebé iha iha ne'ebá koalia konabá diversifikasaun, ho ida ne'e mak hau defende lori pipeline mai Timor, e sei diversifika tamba sei fó kbit ba seitor privadu sira e kria empregu ba sidadaun timoroan," hateten Reprezentante Especial Governu Ba Assuntu Petroleo, Kay Rala Xanana Gusmão.
Reprezentante Espesial Governu nee hateten durante forum nee iha se saun kona-bá oinsá atu sosa produtu petróleo ne'ebe Timor-Leste sei prodúz.
"Bele timoroan balun husu nune'e, o produs tiha se mak atu sosa, iha ne'ebá iha sesaun ida buat bolu dehan THE MAN, THE MAN iha rai barak, iha mundu tomak, iha Asia mos sei buka atu hola, tanba ne'e sei bele sosa," hateten Reprezentante Especial Governu Ba Assuntu Petroleo, Kay Rala Xanana Gusmão.
Antes ne'e Reprezentante Espesial Governu Ba Assuntu Petroleo Kay Rala Xanana Gusmão halo ona aprezentasaun kona-ba razaun no prosesu sosa asaun kompanhia internasional conocophilips no shell ba deputadu sira iha parlamentu nasional iha loron 8 fulan Janeiro tinan ne'e. Ito
