GMN TV Economia Akadémiku husu Governu hadia lei saláriu mínimu ba traballadór

Akadémiku husu Governu hadia lei saláriu mínimu ba traballadór

0 views

Reitór Universidade da Paz (UNPAZ), Adolmando Amaral, husu VIII Governu Konstitusional, atu haree no hadia hikas lei kona-bá saláriu mínimu ba traballadór Timor-oan sira ne’ebé servisu ba empreza nasionál no internasionál, inklui iha Governu rasik hodi dignifika traballadór sira ne’ebé kontribui ba prosesu dezenvolvimentu iha Timor-Leste.

Tuir akadémiku UNPAZ ne’e katak, saláriu mínimu USD 115 ne’ebé eziste dadauk liu-liu liga ba era globalizasaun ne’e la sufisiente, tanba kustu ba vida karun.

Akadémiku ne’e  konsidera, saláriu mínimu ne’ebé iha, la balansu ho traballadór sira-nia kontribuisaun, no sei kontribui mós ba vontade servisu, bainhira traballadór ida hetan saláriu ne’ebé sufisiente ba moris.

“Ita-nia kustu de vida iha Timor ne’e komesa aas, depois saláriu mínimu ne’ebé estabelese tuir lei, USD 115 ou USD 125 ne’e labele kobre ita-nia nesessidades báziku nian, tanba sasán nia folin iha merkadu hetan sirkulasaun, lor-loron sa’e bebeik, tanba ne’e, saláriu ida USD 100 tal ne’e labele kobre, nune’e, afeita tebes duni ba ema hirak ne’ebé servisu hetan saláriu ki’ik mínimu ne’e”, hateten Adolmando Amaral ba GMN, foin lalais ne’e.

Reitór UNPAZ ne’e mós sujere ba Governu, atu ajuda taxa ba empreza sira, hodi nune’e, bele apoiu dignifika traballadór ho saláriu ne’ebé sufisiente hodi utiliza ba vida moris.

“Husu ba Governu, hatun taxa ba empreza sira, depois obrigada setór privadu halo investimentu, para depois ita labele depende bebeik produtu importasaun, maibé buat sira ne’ebé ita bele produz iha rai laran, di’akliu produz de’it iha rai laran, ho buat sira ne’e de’it mak ita bele diminui oituan ba nesessidades bázikas ho saláriu ba funsionáriu ne’ebé natoon”, tenik Amaral.

Antes ne’e, Prezidente Konfederasaun Sindikatu Timor-Leste (KSTL), Almerio Vila Nova,  hateten, bazeia ba peskiza KSTL nian, saláriu mínimu USD 200 mak foin bele sufisiente hodi sustenta moris fulan ida nian, maibé saláriu USD115 ou liu lato’o USD 200, defisil tebes, tanba la balansu ho kustu de vida ne’ebé mak iha.say


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker