GMN TV Economia Akadémiku: Uza orsamentu duodésimu, ekonomia sei paradu liu tan

Akadémiku: Uza orsamentu duodésimu, ekonomia sei paradu liu tan

0 views

Tuir observasaun husi parte akadémiku nota katak, ekonomia rai-laran sei paradu liu tan bainhira Governu uza orsamentu duodésimu hodi funsiona mákina Estadu, tanba Timor-Leste depende liu ba Orsamentu Jeral Estadu (OJE).

 “Agora orsamentu doudésimu ne’e mai hosi ne’ebé? mai hosi ezekusaun OJE tinan 2019 ne’ebé sira konsege ezekuta ona 84 % no hela 16 % mak aloka fali ba orsamentu doudésimu hodi apoiu fali ba salariu vensimentu no atividade operasionais sira. Bainhira governu uza orsamentu doudésimu mak ekonomia rai laran sei la la’o, tanba orsamentu ne’ebé uza hodi dudu ekonomia depende liu ba OJE no OJE tinan 2020 mos seidauk hetan aprovasaun”, deklara reitor UNPAZ, Adolmando Amaral, ba Jornalista sira, Kuarta (8/01/2019) iha Manleu Díli.

Nia dehan, antes promulga OJE sei lori ba Komisaun C Parlamentu Nasionál atu halo diskusaun depois ne’e mak foin halo plenaria atu hetan apresiasaun hafoin lori ba Prezidente Repúblika atu promulga.

 “Prezidente Repúblika labele promulga deit, maibé nia sei estuda karik iha problema ruma iha orsamentu laran mak nia sei haruka fali ba Tribunál Rekursus atu halo tan apresiasaun, ida ne’e presiza tempu to’o fulan 4, entaun dezenvolvimentu iha fulan 4 nia laran sei la la’o tanba ita konsentra deit iha salariu vensimentu no salariu operasionais sira”, afirma reitor UNPAZ.

Nia dehan, VIII governu sei labele ezekuta hotu OJE 2020 ho montante Biliaun 1.668 iha tempu badak, tanba fulan 4 sei halo diskusaun no fulan 8 atu halo ezekusaun ba orsamentu sei la ezekuta ho diak.

 “Tinan 2019 iha OJE Biliaun 1.4 sira ezekuta deit porsentu 64, sa tan OJE 2020 ne’ebé bo’ot no nia tempu ba ezekusaun ne’e badak tanba sira sei hahú halo ezekusaun ba OJE 2020 ne’e iha fulan Maiu, ida ne’e labele ona tanba tuir lei finansiamentu husi fulan Maiu to’o Dezembru governu tenke aprezenta ona no iha fulan Outubru governu tenke halo aprezentasaun OJE ba tinan 2021 nian”,hateten Adolmando Amaral.

Nia subliña, enkuantu governu la’o nafatin ho kalendáriu ne’ebé iha, mak situasaun ne’e afeita tebes ba família uma kain ida-idak, tanba laiha sirkulasaun orsamentu iha rai laran.

Iha okaziaun ne’e Reitor UNPAZ hateten mos katak, krize polítika no ekonomia dura to’o agora, tanba líder sira nia arogansia no sira mai ho ida-idak nia interese hodi vinga malu to’o afeita ba aprovasaun OJE) lao tarde no la konsege fo pose ba lista kandidatu membru governu nain 9.

 “Ita retira OJE tanba deit lider sira nia arogansia no husi sira nia arogansia hotu hodi halo povu sai vítima”,tenik reitor UNPAZ.

Ho krize polítiku ne’ebe la’o kleur ne’e nia dehan, ba ema polítiku sira diak hela, tanba sira simu osan boot moris diak, maibé povu bai-bain susar atu hetan osan hodi tustenta família.

Tanba ne’e husu ba Prezidente Repúblika ho Primeiru Ministru atu solusiona lalais impase polítiku atu labele afeta ba povu nia moris lor-loron.

 “Se problema membru nain 9 mak sira la konsege rezolve ha’u fiar husi 2020 to’o sira nia mandatu hotu mos sira labele rezolve problema Nasaun  nian, entaun solusaun atu hakotu impase mak halakon sira nia arogansia hodi tau interese ba povu no dezenvolvimentu Nasaun nian hodi buka malu tur hamutuk atu hatene lolos sira ida-idak nia hakarak”,hatuir reitor UNPAZ. Fel


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker