GMN TV Economia Implikasaun husi impase polítiku, CCITL: Investidór barak tauk investe iha TL

Implikasaun husi impase polítiku, CCITL: Investidór barak tauk investe iha TL

0 views

Prezidente Kámara Komérsiu Industria Timor-Leste (CCI-TL-sigla portugés), Oscar Lima, hatete, dezde impase polítiku eziste iha Timor-Leste, hahú husi tinan 2017 to’o tinan 2020 investidór foun iha Timor-Leste laiha, tanba situasaun polítika iha TL la garante estabilidade sirkulasaun ekonomia, nune’e halo investidór sira la fiar-an atu investe iha TL.

“Bainhira ita-nia uma laran sei iha problema sira hanesan ne’e, ema investidór sira lakohi mai investe, tanba tauk nia osan lakon. Tanba ema halo investimentu ne’e ema sura longo prazu, nia sei haree retornu ne’e mai tinan 6 ka 10, tanba ne’e, kuandu ema mai investe, nia tenke garante katak, rai ne’e seguru, maibé ita-nia situasaun hanesan ne’e ladun fó vantajen para ema atu mai investe”,relata Oscar Lima ba GMN iha nia kna’ar fatin, foin lalais.

Oscar Lima afirma, iha duni investidór lubuk ida mak kompromete atu investe iha TL, maibé durante ne’e halo de’it peskiza, nunka realiza kompromisu hodi investe iha TL, tanba razaun situasaun polítika la garante vida ekonomia investidór nian.

“Ha’u haree ida mai halo levantamentu de dadus ne’e barak, balun mai kompromete hela atu investe. Maibé atu investe loloos ne’e to’o agora ita seidauk haree, karik iha, ita hotu parese haree”, tenik Oscar Lima.

Maske nune’e, Prezidente CCI-TL ne’e subliña tan, iha investidór lubuk ida mak iha vontade hakarak atu loke nia investimentu iha TL, liu-liu iha setór produtivu sira bainhira situasaun polítika la’o estável hikas.

“Ema barak hakarak halo investimentu iha área agrikultura, peskas no buat seluk tan, maibé to’o agora realidade ne’e seidauk iha, ita ko’alia loos ne’e, tanba impasse polítiku ema barak mós lakohi mai investe iha ita-nia rain, ne’e impaktu bo’ot tebes ba Estadu ida ne’e”, Líder CCI-TL ne’e akresenta.

Antes ne’e, deputadu sira kinta lejislatura iha Parlamentu Nasionál mós barak proekupadu ho situasaun polítika atual, inklui akadémiku no ekonomista, tanba ho impase polítiku ne’e, halo sirkulasaun ekonomia iha rai-laran la’o la estável hodi afeta tebes ba kreximentu ekonomia tun.

Tanba ekonomia rai-laran dependénsia maka’as ba Orsamentu Jerál Estadu (OJE) ne’ebé kada tinan governu propoin no Parlamentu Nasionál aprova, maibé afeta tebes, bainhira OJE ne’e rasik la konsege pasa iha Parlamentu Nasionál, iha ne’ebé deputadu AMP rasik mak la apoia proposta OJE refere.say


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker