GMN TV Economia Portu foun Díli bele aselera dezenvolvimentu área indústria no turizmu

Portu foun Díli bele aselera dezenvolvimentu área indústria no turizmu

0 views

Governu liu husi Ministériu Transporte no Komunikasaun  iha Kuarta (15/01), halo inaugurasaun  ba terminal  Portu Díli foun ba ferri Nakroma no ró ahi sira  seluk. Ho ezistensia portu foun ne’e, Governu optimista katak, Portu  Díli foun ne’e,  sei aselera Timor-Leste nia dezenvolvimentu iha área indústria no turizmu.

Ministru Transporte no Komunikasaun José Agostinho da Silva hateten terminal portu Díli foun ne’e nia naruk metru atus ida  no luan metru 20.

Tuir Agostinho medida ne’e, bele akomula ró-ahi rua iha tempu hanesan durante oras rua nulu resin hat.

“Ita espera ho terminal portu Díli ne’e, bele fasilita di'ak liu tan pasajeiru sira ne’ebé atu viajen ba Munisípiu Oe-cusse no Atauru, inklui mõs prepara ba Munisípiu sira seluk, tanba tuir planu sei sosa ró-ahi foun atu halo operasaun ba Munisípiu Manatuto, Viqueque, Lospalos to’o Suai, tanba ne’e presiza kuidadu terminal foun ne’e, nune’e bele utiliza ba tempu naruk”, hateten José Agostinho da Silva ba Jornalista iha Portu Díli.

Nia hatutan, durante Timor-Leste iha difikuldade, tanba terminal ró feri Nakroman hamutuk de’it ho  konteiner sira, nune’e fó impaktu tebes ba pasajeiru sira atu hein iha terminal ne’e, maibé ho terminal foun ne’e, bele asegura seguransa ba pasajeiru sira ne’ebé atu viajen ba Oe-cusse no Atauru.

Iha fatin hanesan, Vise Ministru Negósius Estranjeirus Asuntu Parlamentáriu Japaun,   Norihiro Nakayama hatete, relasaun bilateral entre Governu Japaun ho Governu Timor-Leste diak tebes, neduni Governu Japaun kontinua fó apoiu finanseiru atu dezenvolve Timor-Leste iha área oi-oin.

Prezidente Administrasaun Portuáriu Timor Leste-APORTIL, Flaby Neves hatete, banhira terminal portu Tibar remata, sei muda kontentor sira iha portu Díli ba portu tibar, no portu Díli sei sai portu domestika  hodi fó ajensia Cruz Vermella Timor-Leste no Polísia Marítima  mak utiliza terminal foun portu Díli ne’e.

Terminal portu Dili ne’e konstroe husi kompañía Japones Tobishima Corporation ho montante orsamentu dolar amerikanu millaun USD 21.

Tékniku ba konstrusaun projetu ne’e, mai husi rai liur, no traballador  Timor-oan ne’ebé mak servisu iha Portu Díli foun ne’e hamutuk nain 90.

Partisipa iha seremonia inaugurasaun terminal portu Díli ne’e, Ministru Transporte no Komunikasaun,  José Agostinho da Silva, hamutuk ho Vise-Ministru Negósiu Estranjeiru Asuntu Parlamentaria Japaun  nian, Norihiro Nakayama,  eis Presidente Repúblika, Jose Manuel Ramos Horta, no embaixadór  Interinu Japaun iha Timor-Leste, Higashimoto Shingo Padre Evaristo, inklui entidades sira seluk.aba


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker