GMN TV Economia Tarde aprova OJE 2020, kresimentu ekonomia sei tun liutan

Tarde aprova OJE 2020, kresimentu ekonomia sei tun liutan

0 views

Reitor Universidade da Paz (UNPAZ), Adolmando Amaral, hateten, bainhira diskusaun no aprovasaun Orsamentu Jerál Estadu tinan 2020 tarde, sei implika maka’as ba kresimentu ekonomia tun liutan, tanba volume ba sirkulasaun osan iha rai- laran menus.

“Situasaun polítika ne’ebé mak akontese dadaun ne’e, impaktu maka’as loos, tanba kresimentu ekonomia lala’o, loron ba loron tun hela. Kresimentu ekonomia tun ne’e, tanba  laiha movimentasaun ba ekonomia ne’ebé mak nia sirkulasaun iha rai laran nia volume ne’e ki’ik. Ki’ik ne’e tanba, iha Timor, kresimentu ekonomia  ne’e depende loos de’it ba iha fonte ida, mak Orsamentu Jerál Estadu (OJE) ne’e, tanba ne’e, bainhira montante OJE ne’e bo’ot, maka kresimentu ekonomia ne’e sa’e”, tenik Adolmando Amaral ba GMN, iha semana ne’e.

Akadémiku ne’e sujere, atu labele depende bebeik ba Orsamentu Jerál Estadu, governu Timor-Leste presiza hamoris setór privadu sira no tenke halo investimentu hodi halo exportasaun ba rai liur, atu kontribui ba kresimentu ekonomia rai laran.

“Iha 2019, ita-nia OJE ne’e foin ezekuta de’it mak 70% liu, nia implikasaun ba kresimentu ekonomia ne’e tun, ita haree kompra iha merkadu mós menus, depois movimentasaun ou sirkulasaun mós menus, ne’e tanba de’it OJE ne’ebé nia ezekusaun seidauk atinji 100%. Maibé tuir loloos, kresimentu ekonomia ne’e, la presiza depende de’it ba ezekusaun OJE, maibé sira mós depende ba setór privadu sira, liu husi investimentu, depois kapasidade halo exportasaun, hasai produtu iha rai laran ba rai liur,   ne’e para bele ajuda ita-nia ekonomia rai laran hodi sa’e, maibé iha Timor, setór privadu la hola papel ida ne’e, tanba laiha kapasidade atu halo investimentu. Aleinde laiha kapasidade halo exportasaun produtu ba rai liur, para atu bele lori fali osan mai hodi dudu ita-nia ekonomia iha rai laran, tanba ida ne’e la akontese, entaun ita-nia OJE ne’e ho situasaun polítika ne’ebé hetan retira tan iha PN, ne’e halo ita-nia ekonomia ne’e monu liutan. Tanba ne’e, atu rekoopera situasaun ne’e, ita tenke iha Orsamentu Jerál Estadu”, katak retór UNPAZ ne’e.

Hafoin governu retira nia proposta OJE 2020 iha Parlamentu Nasionál, VIII Governu Konstitusional mós konsege reduz no aprova liu husi konsellu ministru husi billiaun USD 1.950 ba billiaun USD 1.668, ne’ebé haruka hikas ona ba Parlamentu Nasionál iha loron 19 fulan Dezembru tinan 2019.

Maske nune’e, Meza Parlamentu Nasionál deside atu hahú diskusaun audiênsia públika no diskusaun jeneralidade inklui espesialidade no final global iha fulan Janeiru tinan 2020 ne’e, maske meza PN baixa ona proposta refere ba komisaun C ne’ebé trata asuntu finansa públika, tanba membru Parlamentu Nasionál ho funsionáriu sira sei ferias ba loron natál no tinan foun.say


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker