GMN TV Economia Ró Berlin Ramelau Halo Operasaun La To’o Fulan Ida "Falla"

Ró Berlin Ramelau Halo Operasaun La To’o Fulan Ida "Falla"

1,498 views

Ró Berlin-Ramelau mai Timor-Leste (TL) seidauk to’o fulan ida, maibé enfrenta ona problema hodi rezulta kinta (06/01/2022) semana ne’e, labele halo operasaun ba Oecusse, tanba kose korente tasi no sistema eletrónika iha ró laran falla.

Diretór Kabotajen Nasional, Feliciano da Costa Correia, deklara, Ró Berlin Ramelau dadaun ne’e labele hala’o operasaun tuir oráriu normal semana ida dala rua iha loron segunda no kinta, tanba ró refere iha problema jestaun eletrónika no ró ne’e mós kose korente tasi impaktu husi laloran ne’ebé bo’ot.

Ho problema hirak ne’e, diresaun refere orienta ona ekipa tékniku hodi haree no halo avaliasaun, nune’e ró refere bele halo fali operasaun iha semana oin tuir oráriu normal.

Ró Berlin Ramelau, Governu Timór Leste liuhusi Ministériu Transporte no  Komunikasaun (MTK), asina akordu ho Governu Federál Alemaña, ho Empreza Estaleiru Naval Damen, iha loron 31, fulan maiu, tinan 2019, hodi hahú halo konstrusaun.

Ró refere Governu Alemaña investe euro tokon 7, no Governu Timór Leste investe kuaze tokon (USD 14.8). Ró ne’e ho nia largura metru 16, komprimentu metro (67.3), altura kuaze metro 5 ho nia kapasidade tula pasajeiru 380.

“Problema iha sistema jestaun elétriku ka power ró ninian ne’ebé mak iha ró laran problema oituan, nune’e ha’u nia tékniku sira hahú horseik ita prejiza halo asaun ruma ligadu ho problema ne’e ita sei komunika no kordena ho kompañia konstrutor husi holanda ninian atu bele solusiona problema ne’e, agora dadauk ha’u nia tékniku sira tun ba halo teste se iha problema ruma ita sei kordena hodi rezolve hotu dala ida foin bele halo operasaun, ita hatene katak ne’e sistema dijital ninia sistematizadu husi pontu ida problema nia afeta ba buat barak, kose ró tama no sai iha nia manufer iha faktor barak anin, laloran, korente tasi ni’an ne’e ita la haree ho matan iha liu tasi laran buat sira ne’e bele afeta prosesu sai no tama ne’e kose ne’e iha”, dehan, Diretór Kabutajen Nasional, Feliciano da Costa Correia, ba JNSemanário, iha nia knar fatin Aportil, Sesta (07/01/2022).

Maske ró ne’e halo ona operasaun dala haat husi Díli ba Oecusse, maibé ró refere labele halo operasaun ba atauro, tanba Ró Berlin Ramelau naruk liu no labele atraka iha portu atauro.

Kona-ba folin tiketi mantein normal, iha ne’ebé kada passajeiru viajen husi Díli ba Oecusse ho dolar ualu no viajen husi Díli ba Atauro ho dolar haat, maske ró ne’e seidauk bele halo operasaun ba atauro. Ina


Banner

Foto

Notisia Ikus

Governu adia dikusaun ba pedidu reforma Lere Anan Timur

January 20, 2022
Reuniaun Konsellu Ministru (KM) iha Palásiu Gov...

La atende kontaktu deputadu nian, PPN “hirus” MOP Salvador

January 20, 2022
[caption id="attachment_59069" align="aligncenter"...

CNE seidauk simu lista kandidatura PR

January 19, 2022
[caption id="attachment_59064" align="aligncenter"...

Eis Padre Martinho Gusmão deklara kandidata-an ba PR

January 19, 2022
Eis padre Martinho Germano da Silva Gusmão anú...

Ministru José Agustinho “ameasa” hasai funsionáriu APORTIL 24

January 19, 2022
[caption id="attachment_59043" align="aligncenter"...
1 2 3 683

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker