GMN TV Economia Governu sei apoiu projetu bio gas Bebora

Governu sei apoiu projetu bio gas Bebora

0 views

Governu sei apoiu projetu bio gas Bebora

Ministru Adjuntu Primeiru Ministru, no Ministru Asuntu Governasaun, José Reis, hateten, Governu sei fo apoiu ba projetu bio gas ne’ebé lokaliza iha Bebora, Dili. Projetu bio gas ne’e uza fahi teen no aitahan.

José Reis mos promete, sei fó apoiu ba projetu ne’e, hodi loke kampu traballu ba Timor-oan sira.

“Governu sei fó apoiu fasilidade no kondisaun ba Eng. Eddie de Almeida, nu’udar produtor atu nune’e bele fahe nia matenek ne’ebé mak nia hetan ba Juventude sira para bele promove no dezenvolve atividades produsaun ne’e diak liu tan iha futuru,”dehan José Reis ba GMN iha Bebora Dili, Kuarta (31/01), hafoin hala’o vizita ba projetu bio gas ne’e.

José Reis hatutan, produsaun bio gas ne’e, uza fahi teen no Aitahan. Tanba ne’e, Governu sei tau matan hodi bele habo’ot tan atu bele fó servisu ba Timor oan sira.

Bio gas ne’e, produs husi kompañia Dalmuk Unipesoal  Lda,  no rezultadu husi produsaun ne’e atu uza hanesan estrumu ba plantasaun nomós ba enerjia elétrika.

Iha fatin hanesan, nain ba kompañia Dalmuk, Eddie de Almeida, hateten, produsaun bio gas ne’e, nia harii ho nia esforsu rasik.

Husi esforsu ne’e, ikus mai nia hetan apoiu husi Programa Nasoens Unidas ba Dezenvolvimentu (UNDP), hodi  fasilita nia  ba halo estudu komparativu kona ba Bio gas iha nasaun China durante fulan 1.

Bio gas ne’ebé Eddie produs, oras ne’e sei iha faze promosaun atu ema hotu bele promove iha futuru, tanba ninia funsaun no benefisiu sei uza nu’udar estrumu ba kualker plantasaun, inklui sei bele uza mos ba enerjia elétrika nomós prinsipiu fundamental ba produsaun biogas maka, halo kompozisaun ba materia orgánika no hatuur iha ambiente ne’ebé livre husi aar atu bele produs duni gás ne’ebé iha karater fasil atu ahi bele han no bele mós uza ba estrumu plantasaun.aba


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker