Banku Dezenvolvimentu Aziatiku (ADB_Sigla Inglés), Tersa (12/02/2019), halo aprezentasaun kona ba métodu lalaok dezenvolvimentu iha Timor-Leste ba governu iha reuniaun Konsellu Ministru, Palásiu Governu.
Objetivu husi aprezentasaun ne’e atu Governu Timor-Leste bele tau iha planu estratejiku dezenvolvimentu nasional,hodi atinji objetivu dezenvolvimentu nasaun nee nian iha futuru.
Hafoin rona aprezentasaun husi Banku Dezenvolvimentu Aziatiku,Governu mos sei halo métodu aprosimasaun hodi defini diak liu tan lalaok dezenvolvimentu iha longu prazu, tamba governu nia kna’ar atu hadia povu nia moris.
“Ohin iha reniuan Konsellu Ministru rona aprezentasaun husi ADB ne’ebé fahe sira nia métodu sira nia matenek konaba oinsa atu halo previzaun ba futuru iha lalaok dezenvolvimentu nian, no rona de’it informasaun no partilla matenek métodu ne’ebé maka ADB iha no ADB sira aplika ho sira nia parseiru sira iha rejiaun”, dehan Ministru da Reforma Lejislativa e Asuntus Parlametares Fidelis Magalhães, ba Jornalista sira iha Palasiu Governu.
Governu apresia perante aprezentasaun Banku dezenvolvimentu Aziatiku ba lalaok dezenvolvimentu,tamba aprezentasaun refere diak teb-tebs.
“Governu nia observasaun ba aprezentasaun ADB nian ne’e aprezentasaun ida ne’ebé informativa tebes loke diskusaun hanesan lori aihan barak ba hanoin ba kakutak atu nune’e Governu bele diskute konaba lalaok diak liu tan atu oinsa bele atinji ita nia objetivu dezenvolvimentu no atinji ita nia planu estratejiku dezenvolvimentu no oinsa mos atu bele apar ho ita nia kondisaun real ba to’o iha futuru. Esplika Ministru da Reforma Lejislativa e Asuntus Parlametares.
Entretantu apoiu ne’ebé banku dezenvolvimentu aziatiku sei kontribui ba dezenvolvimentu maka iha area Infraestrutura bazika, liu-liu estrada.
“Governu wanhira hala’o nia kna’ar ho objetivu atu hadia povu nia iha futuru ,maske la’o neneik, maibe la’o bebeik,Ita hetan apoiu kooperasaun ne’ebé ADB fo mak hanesan estrada ,apoiu maioria ba infra estrutura, kualker desizaun ne’ebé Governu hola nia tenki diak liu ba Governu no nasaun ne’e nia dezenvolvimentu”, Tenik Fidelis Magalhães. tos
