GMN TV Capital Atividade jogu hatama reseita ba Estadu millaun USD 4

Atividade jogu hatama reseita ba Estadu millaun USD 4

0 views

Durante tinan 2018 Inspeção Geral dos Jogos (IGJ) hatama reseitas milliaun USD 4 ba kofre Estadu liu husi taxa ne’ebé rekolla husi jogu ne’ebé durante ne’e iha kontratu ho Governu liu husi Ministériu Turizmu, Komersiu no Industria (MTCI_sigla Portugés).

“Ba tinan 2018 deit reseitas ne’ebé hetan USD 4 milhões resin, maibe ne’e tanba rai laran infrenta impasse polítiku, maibe tarjetu husi Inspeksaun Jeral Jogu katak iha tinan 2018 bele hetan reseitas USD 5 milhões”, hateten Inspetor Geral dos Jogos, Augusto Pereira, hafoin lansamentu empreza Toto Fitun Timor iha Manleuana, Dili, Kinta (14/02/2019).

Inspetor Geral dos Jogos, Augusto Pereira, hatutan, dadaun ne’e IGJ rejista jogu lotaria ka SDSB 6.

“Lotaria, Rudal, Dream Entertainment, rua versaun Singapura maka Badfore ho Amizade, sira ne’ebé konsidera lotaria nasional maka Dream, Toto Fitun Timor, Timor Pool ho Rudal, iha tolu hanesan Driming Timor Pool ho Toto Fitun sira adapta sistema online katak sira nia jogu la’os deit ba Timor, maibe sira loke mos oportunidade ba ema estranjeiro hodi joga liu husi website ne’ebé estabelese, ne’ebé Inspeksaun dos Jogos espera katak modelu jogu hanesan ne’e bele lori reseita mai Timor, ne’ebé ho reseitas iha kompañia sira hetan lukru no bele halo fali investimento seluk hodi fo fali servisu ba timor-oan no hasa’e kresimentu ekonomiku rai laran”, haktuir Augusto Pereira.

Inspector dos Jogos ne’e rekoñese katak, durante tinan 2  IGJ hasoru difikuldade boot tebes hodi halo kontrolu ba jogu hirak ne’ebé iha.

“Sistema kontrolu ne’ebé ami halo, durante tinan rua liu ba ami infrenta problema boot, hanesan transporte no konbustivel menus, ne’ebé atu ba kontrola jogu to’o municipiu deficil, tanba kondisaun la suporta ami entaun ami so halo deit kontrola ba jogus ne’ebé kompañia sira hetan kontratu ho Governu”, dehan nia.

Tuir Augusto Pereira atu loke jogu kompostu husi jogu  Lotaria ho fundus garantia hamutuk US$4 mil, fundus investimento depende ba kompañia, ba aktividade jogu Slop Maquina presiza kapital investimento millaun USD 10, fundus garantia millaun USD 1.

Governu lansa jogu Toto Fitun Timor

Governu liu husi Ministériu Turizmu, Komersiu no Industria (MTCI_sigla Portugés) fo linsensa tan ba jogu Lotaria ne’ebé maka loke husi Empreza Toto Fitun Timor. Empreza Toto Fitun antes ne’e taka ona, tanba hasoru difikuldade iha sistema administrasaun, maibe hafoin hatama fali proposta ba Governu liu husi Inspeção Geral dos Jogos hodi atribui Contrato Concessão ho númeru 03/GMTCI/II/2019.

Husi  Contrato Concessão ne’e maka iha Kinta (14/02/2019) realiza lansamentu ba jogo lotaria ne’e.

Inspetor Geral dos Jogus, Augusto Pereira, hateten, empreza Toto Fitun Timor antes ne’e taka ona, tanba komete infrasaun balu, maibe agora kumpri ona nune’e Governu atribui hikas kontratu.

“Iha tempu ne’eba malu timoroan dala ruma seidauk iha koñesimentu diak entaun hala’o aktividade sein koñesimentu husi Inspeção Geral dos Jogos, tanba iha faze preparasaun, tanba ne’e maka husi parte Governu halo atuasaun no sira submete ba prosesu investigasaun hodi submete liu ba prosesu justisa, iha prosesu sira ne’e la detekta katak sira halo krime ruma, iha deit falhansu administrativamente, ne’ebé Ministeriu Publiku notifica katak empreza ne’e bele kontinua no re-ativa fali aktividade, ne’ebé husi Inspeção haruka sira kumpri regulamentu hodi ikus mai atribui fali kontratu no to’o lansamentu formal”, hateten Inspetor Geral dos Jogos ba Jornalista sira hafoin lansa Jogu Lotaria iha edefisiu Empreza Toto Fitun Timor, Manleuana, Dili.

Kontratu durasaun tinan ida,  depois halo avaliasaun aktividade durante tinan 1 no kumpri duni kontratu no reseitas ne’ebé hetan hatama taxa ho diak maka liu husi avaliasaun bele extende tan kontratu.

Aleinde ne’e, Na’in Empreza Toto Fitun Timor, Reinaldo Freitas, hataten, antes lansamentu, empreza ho Governu selebra uluk Contrato de Conssesaun.

“Antes ne’e ami asina uluk Contrato de Conssesaun maka ami hala’o lansamentu. Los duni katak empreza ne’e taka tiha ona ho razaun katak falha administrasaun, no mos komunikasaun ami ho inspeção Jerál dos jogos maka la’o ladiak maka sira fo fali ba ami hodi hadi’a sistema administrasaun”, hateten Na’in Empreza Toto Fitun Timor, Reinaldo Freitas.

Reinaldo Freitas esplika, empreza ne’e harii husi emprezáriu timor-oan rasik, maibe tanba jogu ne’e uza sistema digital no timor-oan menus tebes kapasidade iha area ne’e maka empresário timoroan servisu hamutuk ho empresário internacional hodi oferese makina automatiku hodi utiliza ba jogu ne’e.

Orsamentu ne’ebé gasta ba investimento ne’e hamutuk USD 800 mil, no empreza traballador timor-oan hamutuk 100.

Partisipa iha seremonia lansamentu ne’e Brigadeiro  General F-FDTL, Maunana, membru Polisia Nasional Timor-Leste (PNTL), Prezidenti Autoridade Aviasaun Sivil Timor-Leste (AACTL_sigla Portugés), autoridade lokal, komunidade no funsionáriu Toto Fitun Timor.mia


Banner

Foto

Notisia Ikus

Singapura mak trava TL tama ASEAN, LUGU: Horta bele konvense

May 18, 2022
Diplomata senior Timor-Leste, José Luis Guterre...

Delegasaun Angola hasoru PR eleitu

May 18, 2022
Prezidente Repúblika (PR) eleitu, José Ramos H...

PR Lú Olo: Tempu ona atu halo revizaun ba K-RDTL

May 18, 2022
Prezidente Repúblika (PR), Francisco Guterres L...

PN aprova Projetu-Lei responsabilidade PR iha finál globál

May 17, 2022
Parlamentu Nasionál (PN) Kinta Lejislatura, apr...

PR Lú Olo kondekora veteranu 83

May 17, 2022
Prezidente Repúblika (PR) Francisco Guterres L...
1 2 3 727

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker