Konsellu Ministru iha Kuarta (30/01/2019) aprova ona proposta deliberasaun halo rehabilitasaun ba aeroportu Baucau ne’ebé koñesidu Aeroporto Lanud.
Ministru Transportes no Komunikasaun (MTK), José Agustinho da Silva, ba Jornalsita sira hateten iha tempu besik Ministeriu Transporte no Komunikasaun sei implementa projetu nee.
“Konsellu Ministrus aprova ona, lakleur aeroportu ida ne’e sei sai hanesan aeroporto ho estatuto multi funsaun espera oinsa maka bele konkretiza, klaru katak Governu iha komprimisu hodi funsiona fali aeroportu sira ne’e tuir estatuto katak aeroportu ne’e sei sai aeroportu multi funsaun katak bele ba komercio, militar”, hateten Ministru Transporte no Komunikasaun, José Agustinho da Silva ba Jornalista sira iha Parlamentu Nasional, Kinta (31/01/2019).
Governante ne’e hatutan, Proposta rehabilitasaun ne’e mai husi Ministru Defeza, tanba estatuto multi funsaun entaun bele mos ba militar, maske nune’e ministério transporte no komunikasaun maka kontrola.
“Governu tenta atu kria kondisaun ne’ebe diak, tanba aeroportu ne’e antes nia estatuto aeroportu internacional, maibe durante ne’e la funsiona entaun agora halo rehabilitasaun no tau tore kontrolu, terminal pasajeiros, pista no seluk tan, katak komponenti integradu ba aeroportu nian tenke iha hodi, ne’ebe ami buka oinsa para priense rekezitus aviasaun ninian, tuir ICAU nune’e bele fo atendementu ida seguru, pista ida ne’ebe naruk nune’e bele akomoda aviaun ho kapasidade boot”, promete José Agustinho da Silva.
Maibe antes atu implementa planu ne’e, Ministru Transporte no Komunikasaun sei prepara deseñu mestri ida nune’e sai matadalan para konstrusaun ne’e rasik diak no kualidade.
“Rezolusaun aprova ona, ne’ebe hau sei esforsu para bele aselera prosesu ne’e, tanba kuandu aeroportu ne’e diak parte ida mos hodi hetan rendimentu hodi hatama ba kofre Estado, tanba estatuto aeroportu ne’e multi funsaun signifika Governu sei recolha reseitas lubuk boot ida husi aeroportu refere, lalais diak liu tan, orsamentu mai husi Governu, maibe mos la taka dalan ba parseiro sira hakarak investe”, Dehan José Agostinho.
Aeroportu Baucau estabelese desde tempu okupasaun Indonesia to’o agora seidauk hetan rahabilitasaun husi Governu. Mia
