GMN TV Economia MF distribui pakote OJE 2019 ba kada ministériu

MF distribui pakote OJE 2019 ba kada ministériu

0 views

Diretor Jeral Finansa Estadu, Januário da Gama, informa, total final Orsamentu Jeral Estadu (OJE) tinan 2019 ne’ebé promulga husi Prezidenti Repúblika, Francisco Guterres ‘Lú-Olo’, hamutuk billiaun USD 1.482, hahú horiseik (18/2/19), Ministériu Finansa (MF), hala’o distribuisaun ba kada Ministériu no Instituisaun sira hodi halo ezekusaun ba orsamentu refere.
“Husi montante Orsamentu Jeral Estadu 2019, billiaun USD 1.482, fahe ba kategória saláriu vensimentu ho montante USD 214 milloens, bens servisu USD 472.9 milloens, transferensia públika USD 362 milloens, kapital Menor USD 31.2 milloens, no iha parte kapital dezenvolvimentu USD 400.7 milloens. Husi ida ne’e , distribuisaun ne’ebé mak ohin halo, halo ona desgragesaun ba Ministériu ida–idak, no ministériu ida-idak mós iha ona informasaun klaru, entermus prosesu no prosedimentu, atu hahú komesa ohin ba oin, ministériu ida idak bele iha ona autoriedade no kapasidade atu halo ezekusaun ba ita nia OJE 2019”, dehan Diretor Jeral Finansas Estadu ba Jornalista sira Segunda (18-02-2019) iha Salaun MF Ai-tarak laran Díli.
Januário afirma, kuandu haree ba esperiensia, ezekusaun orsamentu iha rejime duo desimal, bele hatete iha fulan Janeiru, MF lansa pakote rejime duo desimal ne’e ho plafon ida USD71 milloens, ho aplikasaun rejimi duo desimal, konsidera ho tempu no prosesu hotu, iha Governu tomak, ezekusaun ne’e atinji de’it 51% husi tetu USD 71milloens.
“Wainhira ita haree ba iha aplikasaun rejime duo desimal ninia prosedimentu lolos, iha inísiu fevereiru kedan ita bele lansa ona orsamentu rejime duo desimal ba fulan Fevereiru nian, maibé tanba depois ita akompaña prosesu sira ne’e hotu, Prezidenti Repúblika promulga ona orsamentu ida ne’e iha loron 7 fulan fevereiru tinan ne’e, entaun la nesesáriu atu lansa tan rejime dua decimal, nune’e MF suspende rejime duo desimal no prepara hela kondisoens, oinsa bele tama kedan ba ezersísiu orsamentu tinan 2019”, afirma Januario.

Nia haktuir, mai ho prespektiva ida katak, ema balun hateten mai ho atrazu ba iha distiribuisaun tetu orsamentu tinan 2019 ida ne’e, sei kontribui mós ba iha atrazu 2019 nian, hotu-hotu hatene iha rejime duo desimal gasta ona orsamentu balun, halo ona rekonsiliasaun mai 2019, entaun foin mak iha primeiru trimestre iha fulan fevereiru 2019.
“Ita espera Ministériu hotu iha ona nia planu, ezekusaun no aprovizionamentu, entaun orsamentu ida ne’e, bainhira ita distribui, ministériu no instituisaun ida-idak bele hola reflesaun ba sira nia ezekusaun no planu aprovizionamentu, oinsa bele kontribui no hatudu sira- nia dezempeñu iha prátika ezekusaun ninian” tenik Januário.
Iha fatin hanesan, tuir Xefi Unidade Sistema Integradu Informasaun Jestaun Finanseira, Joanico Pinto salienta, sira informa ona ba dirijentes instituisaun nian katak, bainhira halo rekonsiliasaun orsamentu 2019 ho Dotasaun Orsamentu Tempurariu (DOT) iha kategória despeza tolu mak afetadu husi prosesu refere, ida mak sálariu vensimentu, bens servisu, transferensia públika, ne’ebé iha fulan Janeiru aloka ba sira.
“Portantu ba saláriu vensimentu nian, ohin ami rekomenda ba Diretor Finansas no Rekursu Humanu iha kada instituisaun no ministériu atu pro ativu liu, mai komunika no kordena ho Ministériu Finansas, no finansas Estadu ho ami sistema rasik, para depois bele hetan asistensia hodi bele solusiona situasaun ne’e, antes Ministériu Finansas, finaliza kalkulasaun realiza pagamentu ba saláriu fulan Fevereiru nian”, relata Joanico.oly


Banner

Foto

Notisia Ikus

Xanana ko’alia relasaun Uniaun Europeia ho Indo-pasífiku

June 27, 2022
Reprezetante Espesiál Timor- Leste ba Ekonomia ...

STAE hahú halo preparasaun ba Eleisaun Parlamentar 2023

June 27, 2022
Sekretariadu Administrasaun Eleitoral (STAE) hah...

PM no Vise PM nain rua la partisipa iha aprezentasaun programa 2023 ba PR

June 27, 2022
Membru Governu iha semana kotuk aprezenta progra...

SEFOPE compromete-se a aplicar sanções a traballadóres ilegais na Austrália e Coreia do Sul

June 25, 2022
O Diretór Nacional do Emprego no Exterior (DNEE...

MOP compromete-se a requalificar autoestrada de Covalima

June 25, 2022
O Ministério das Obras Públicas (MOP) comprome...
1 2 3 740

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker