GMN TV Economia Na’in deside taka nia empreza Kmanek no hapara funsionáriu 61

Na’in deside taka nia empreza Kmanek no hapara funsionáriu 61

0 views

Empreza nain ba Kmanek Supermerkadu, Clarence Lim, deside hapara nia funsionáriu hamutuk 61 no deside taka nia empreza. Tanba ne’e traballador sira triste tebes.

Ho razaun krizi finanseira nain ba empreza Kmanek, Clarence Lim, deside taka nia atividade negósiu no hapara mos traballador 230 ne’ebé durante ne’e servisu iha empreza refere.

Portavoz traballador António dos Santos, hatete, sira senti triste tristi tanba lakon sira-nia direitu hanesan traballador,  ne’ebé atu sustenta moris família nian. Nune’e mos ho desizaun ne’e, aumenta mos númeru dezempregu iha Timor-Leste.

António dos Santo dehan lia hirak ne’e liu husi konferensia ba imprensa iha Surik Mas, Hidi Laran Díli Sesta (1/2/19)

“Agora dadauk kompañia komesa ona hapara hamutuk 61, husi Kmanek Trading 28, husi Kmanek Timor Plaza 17, husi Kmanek Bidau 19, ne’e etapa primeiru. Tuir mai sei iha etapa segundu, sei iha tan. Ne’e fo praju iha Fevereiru nia laran sei remata karik laiha fundus ona. Segundu etapa nian iha dia 14 ne’e naran sei taka sai tan, maibe seidauk determina nain hira maka atu sai tan, depois etapa terseiru ne’e mak ikus ona. Ami triste tebes, bainhira ami lakon ami nia servisu”,

Tanba ne’e traballador sir ane’e husu ba Governu atu halo mediasaun ruma ho Diretor Empreza Kmanek, hodi busak soslusaun ba traballador Timor-oan 200 resin no ba toos nain sira ne’ebé mak durante sira parseria ho Kmanek hanesan fa’an sira-nia produtu ne’e sei lakon hotu.

Prezidente Kamara Komersiu Industria Timor-Leste (CCITL_sigla Portugés), Oscar Lima, hatete, empreza Kmanek deside taka nia empreza no hapara nia traballador sira, tanba ho razaun impase polítiku ne’ebé la’o kuaze tinan rua nia laran.

“Ita koalia impase polítiku ne’e tinan rua ona, ne’e laos buat ida kiik. Ne’ebé ha’u hanoin katak Kmanek nia tomada de pozisaun ne’e, tanba ninia osan sai, sai mas laiha tama, entaun ne’e nia la aguenta, kuandu nia la aguenta dalan ida mak nia bele foti lalais para bele salva nia osan sira restu ne’e so taka, se nia la taka nia osan bele mohu”,dehan Oscar Lima.

Nune’e mos, tuir dadus husi Servisu Verifikasaun Emprezarial (SERVE), fo sai katak kompañia 1000 mak hato’o pedidu atu taka, maibe iha kompañia sira ne’ebé deside no konsege taka hamutuk 94. Kompañia ne’ebé rejista iha SERVE hahú husi fulan Maiu tinan 2013 to’o Dezembru tinan 2018 hamutuk 2034 tantu kompañia lokal no internasionál.Aes


Banner

Foto

Notisia Ikus

Lere hato’o ona karta reforma ba Governu

January 18, 2022
Xefe Estadu Maior Jenerál, FALINTIL-Forsa Defez...

CNRT Husu PR Lú Olo di’ak liu halo suspensaun ba kargu

January 18, 2022
[caption id="attachment_53193" align="aligncenter"...

PM Taur husu sidadun hotu tenke kria paz durante kampaña eleitorál

January 17, 2022
Primeiru Ministru (PM) Taur Matan Ruak apela ba ...

Lú Olo Rekandidata–an ba Prezidente Repúblika

January 17, 2022
[caption id="attachment_58994" align="aligncenter"...

Eleisaun ba PR Sei Realiza iha Loron 19 Marsu

January 17, 2022
[caption id="attachment_58989" align="aligncenter"...
1 2 3 681

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker