GMN TV Economia Adezaun TL ba ASEAN, MNEK ho ADB prepara ekipa iha área ekonomia

Adezaun TL ba ASEAN, MNEK ho ADB prepara ekipa iha área ekonomia

0 views

Atu responde adezaun Timor-Leste ba ASEAN, Ministeriu Negósiu Estranjeiru no Kooperasaun (MNEK), hamutuk ho Banku Dezenvolvimentu Aziátiku (ADB-sigla Inglés), prepara ekipa ne’ebé iha área ekonomia nian, hodi aprezenta ba Ministru Negósio Estranjeiru no Kooperasaun, Dionísio Babo.

Ekipa husi parte MNEK nian, aprezenta husi, Diretora Jeral Asuntu ASEAN, Milena Rangel, no husi Banku Dezenvolvimentu Aziátiku (ADB), aprezenta husi Diretór Sunil Mitra.

“Ohin mai aprezenta ba Ministru Negósiu Estranjeiru no Kooperasaun, kona-ba ita iha ona grupu ida hodi hala’o kna’ar iha asuntu ekonomia, iha pilar ASEAN nian, bainhira Timor-Leste atu adere ba ASEAN, grupu ida ne’e prinsipal, atu nune’e iha futuru sei responde ba Timor-Leste, nia adezaun ba ASEAN, liu-liu atu responde ba misaun exploratóriu iha pillar ekonomia nian ne’ebé sei mai iha tempu badak,” hateten, Diretora Jeral Asuntu ASEAN, Milena Rangel, iha MNEK, Praia dos Coqueiros-Díli, Kinta (06/02/2020).

Milena Rangel hatutan katak, grupo ne’e establese  iha fulan hirak liu ba, no intensifiku programa barak ona, grupo ne’e mai husi liñas ministeriais hotu, hetan asistensia husi ADB, hodi hala’o servisu no prepara asuntus tekniku ba adezaun Timor - Leste ba ASEAN iha parte ekonomia nian.

Milena Rangel, akresenta tan, papel prinsipal primeiru atu intende didiak rekerimentu ba akordu tratados ASEAN nian ne’ebé halai liu ba área ekonomia no prepara Timor – Leste, nia konformidade ba asuntu ekonomia.

Iha fatin hanesan, Diretor ADB Timor-Leste Residence Mission Country (TLRM), Sunil Mitra, subliña liutan katak, adezaun Timor-Leste nian ba ASEAN, ADB apoiu Timor-Leste iha área Politika Seguransa, Sósiu, Kultura nó Ekonomia, no dadaun ne’e ADB, prepara hela ekipa ida hodi bele responde ba Sósiu Kultural no Ekonomia.

“Husi Banku Dezenvolvimentu Aziátiku neste momento kolega ho MNEK liu-liu iha prosessu adezaun Timor-Leste ba ASEAN nian, ita bo’ot sira hatene atu adere ba ASEAN iha pilares tolu, Polítika Segurança, Sósio, Kultura nó Ekonomia, no iha misaun ne’ebé ASEAN halo mai TL, misaun ida halo hotu ona polítika Seguransa, no agora prepara hela ekipa ida hodi bele responde ba Sosio Kultural no Ekonomia, ADB fó la’os de’it ba adezaun to’o ba ASEAN, maibé fo ba World Trade Organization”, afirma, Sunil Mitra.

Nia aprofunda tan, ADB hala’o kooperasaun ho Timor-Leste, durante tinan sanulu ona, no ba futuru sei kontinua nafatin iha prosessu dezenvolvimento Timor-Leste nian, ADB iha programa barak no liu husi programa hirak ne’e sei hametin kooperasaun la’o ba oin.

Espesifiku Banku Dezemvolvimentu Aziátiku (ADB), iha projeitus barak ona ne’ebé implementa ona iha Governu Timor-Leste, maibé, ADB nafatin fó suporta Timor-Leste iha área dezenvolvimentu.Cin


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker