GMN TV Economia ANPM ho EMG asina akordu hodi peskiza Mármore iha area Ilimanu

ANPM ho EMG asina akordu hodi peskiza Mármore iha area Ilimanu

0 views

Autoridade Nasionál Petroleum no Minerais (ANPM) ho Kompaña Internasionál Xina, Elegant Marble Group (EMG), asina akordu atu bele halo esplorasaun no peskiza hodi determina kualidade no kuantidade rekursu Mármore iha Area Ilimanu, Munisipiu Manatuto, Postu Administrativu Laklo.

“Husi ministeriu rasik husi 2018 haree ba potensialidade ne’ebé iha ami servisu hamutuk ho entidade sira seluk halo peskiza internal ida, atu hare’e kona-ba prospetividade asuntu tekniku nomós ba asuntu finansial oinsa atu komersializa ita nia rekursu Mármore ne’e ho peskiza ne’e, fó rezultadu ne’ebé diak tebes entaun ami komesa ona ba merkadu hodi hetan empreza ka investedor ne’ebé iha kompetensia atu bele dezemvolve ita nia rekursu ida ne’e, ho ida ne’e mak ita hili empreza ida ne’e atu bele komprende diak liu tan potensialidade ne’ebé ita iha hodi nune’e bele dezemvolve rekursu ne’ebé diak ba empreza nia aan no mós ba Estadu,” dehan, Vise Presidente ANPM, Asuntu Rekursus Minerais, José Gonçalves iha Auditorium Ministeriu Finansa-Aitarak Laran,Dili, Sesta (14/02/2020).

José Gonçalves esplika, diskusaun ba dezenvolvimentu rekursu Mármore ne’e halao ona durante tinan 2, maibé fóin bele halo akordu ne’e tanbá fóin hetan investidor ne’ebé iha pontensialidade.

Iha fatin hanesan, Reprezentante Embaixador Xina, Xiewei Geng promete sei halo koperasaun ne’ebé diak liu tan ho kompaña Xina sira atu bele halo investimentu iha Timor-Leste (TL), hodi loke oportunidade servisu ba Timor-oan sira.

“Husi nasaun Xina ami sempre apoiu no fó korajem ba emprezariu Xina tinan barak ona para bele mai iha ne’e atu ajuda no atu servisu hamtuk ho nasaun Timor-Leste, para bele loke oportunidade industria Mármore iha ne’e, agora ami iha ona kompaña husi Xina ne’ebé sai investidor iha ne’e, no ami sempre ba buka tan kompaña hodi mai investe Kompaña EMG husi Xina ne’e kompaña ho kapasidade bo’ot, liu-liu iha explorasaun to’o iha prosesu Mármore to’o hotu sira iha esperansa bele servisu hamutuk ho Timor-oan para bele loke oportunidade servisu no bussines seluk tan ba Timor-oan,” dehan, Xiewei.

Area ba atividade peskiza iha Munsipiu Manatuto, Postu Administrativu Laklo ne’e, kuaze hekatere rihun 16, maibé, area ne’e sei iha mudansa ba’inhira rezultadu lolos determina ona no orsamentu ba Investimentu iha faze peskiza nian, hamutuk rihun USD 800 ne’ebé sei hala’o durante fulan 18 nia laran.Ida


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker