GMN TV Economia Negósia kontra regra, MTCI fó xamada ba loja 8

Negósia kontra regra, MTCI fó xamada ba loja 8

1 views

Relasiona ho inspesaun konjunta ne’ebé mak hala’o iha, Sesta (21/02/2020) ne’ebé realiza husi MTCI liu husi Diresaun Nasionál Regulasaun Komersial (DNRK), hamutuk ho Ministériu relevante sira, halo observasaun ba loja 8 iha Díli laran, tanba, kompañia hirak ne’e halo atividade negósiu kontra regra.

Tanba ne’e, Segunda (24/02), Ministério Turismo Comercio no Industria (MTCI) liu husi, diresaun DNRK ne’e halo enkontru avaliasaun ho Kompañia nain sira, ho objetivu atu fó atensaun ba kompañia hirak ne’e, nune’e labele komete tan eru ne’e iha futuru.

Governu fó xamada ba kompañia hirak ne’e, tanba halo negósiu la kria kondisaun di’ak, no para fali kareta no kontentor iha estrada públiku hodi hamosu engarafamentu no difikluta ema la’o ain no mós ba empregada sira nia vida.

“Bazeia ba ami nia enkontru ne’ebé mak ami halo ho ministériu relevante hotu antes ami tun ba halo inspesaun ba estabelesimentu sira, iha sesta ami organiza ho ministériu relevante hotu lidera husi diresaun nasional regulasaun komersial, halo inspesaun konjunta ba iha estabelesimentu hotu hotu, hira ne’ebé halo nia negósiu la kumpri regra ne’ebé iha, iha sesta ami tun ba depois ami hetan duni katak realidade los duni atividade ne’ebé sira halo ne’e atividade ne’ebé mak sala, ami akumula fila fali sira mai hamutuk atu fó atensaun ba sira, atu eduka sira oinsa halo negósiu ne’ebé mak di’ak, tenki kria fatin hanesan armazen, tenki iha kondisoeñs armazen atu nune’e atividade halo movimentu hatun sasan no hasa’e sasan tenki ho di’ak labele fó impaktu ba movimentu sira seluk, hanesan ema la’o no trasporte seluk”, dehan, Diretóra DNRK Manuela da Sílva Tilman ba Jornalista sira hafoin remata enkontru ho kompañia na’in sira, iha Fomentu Mandarin, Segunda (24/02/2020).

Iha fatin hanesan, Konsultora Emprezariu no Reprezentante Loja Fuxin Unipessoal.Lda, Mimi Chungue hateten, kompañia prontu kumpri regulamentu ne’ebé Governu fó no parte kompañia hirak ne’e sei hadia kondisaun loja nian tuir orientasaun Governu.

“Kompañia ne’ebé mak inspesaun konjuntu ba ona sira nia fatin sira halo fotos halo vídeo ona hatudu ba sira, konvida sira mai MTCI tur hamutuk buka solusaun, ha’u hanoin sira hotu-hotu rona tiha ona, ita hotu-hotu tenki kumpri, buka solusaun no koalia ba malu ho ministériu relevantes sira atu rezolve”, dehan, Konsultora Emprezariu no Reprezentante Loja Fuxin Unipessoal.Lda, Mimi Chungue.

Antes ne’e, Serviso Registo Verificão Empresarial (SERVE) fo ona 120 dias ba Kompañia hirak ne’ebé mak kontra regulamentu, atu hadia no kria kondisaun liu-liu armazen, nune’e labele fo risku ba empregadu sira nia vida.

Fó hanoin fali katak inspesaun konjunta ne’e hala’o, iha loron Sesta (21/02) ba loja 8 iha Díli laran mak hanesan, Loja Kreative Furak, YANG 88, Timor Food Globus, Global Brother, Fuxin Unipessoal Lda, Audian Buras, New Abc, Lucky Strike no Hong Yun Lai.

Atividade inspesaun konjunta ne’e, realiza husi Diresaun Nasionál Regulasaun Komersial hamutuk ho DNTT, PNTL, AIFAESA, SERVE, Xefe Suku, no Fundasaun Tane Konsumidor.Ina


Banner

Foto

Notisia Ikus

Governu aprova pagamentu suplementár ba funsionariu no ajente MF

November 26, 2021
Governu sei halo pagamentu suplementár ba funsi...

Governu aprova estatutu orgánika F-FDTL

November 26, 2021
Liu husi reuniaun Konsellu Ministru (KM), deside...

Governu aprova kriasaun liña kréditu

November 26, 2021
Atu fasilita finansiamentu, ba Empreza Míkro ka...

SEPS husu PN halo revizaun ba LPL tanba halo konfuzaun

November 26, 2021
Sekretáriu Estadu Protesaun Sivíl (SEPS) Joaqu...

Horta husu Governu apoia agrikultór sira

November 26, 2021
Laureadu Nobel da Paz, José Ramos Horta, hatete...
1 2 3 665

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker