GMN TV Economia Povu preokupa ekonomia rai-laran la’o hakdasak

Povu preokupa ekonomia rai-laran la’o hakdasak

0 views

Impaktu husi impase polítiku no inserteza polítika ne’ebé la’o iha rai-laran, hodi rezulta mós proposta Orsamentu Jerál Estadu (OJE) ba tinan 2020 la pasa iha Parlamentu Nasionál, implika ba ekonomia rai-laran la’o hakdasak.

Situasaun ne’e halo povu iha área rural preokupa maka’as, tanba ekonomia la to’o ba iha baze, hodi halo povu kontinua halerik, tanba iha tempu hanesan mós mosu mudansa klimátika ne’ebé lagarante moris povu agrikultór nian ba tinan ne’e.

Administradór Postu Administrativu Fohorem, Munisípiu Covalima, Carlos Carvalho de Araújo, hateten, povu iha baze defisíl tebes atu han netik ai-han bikan ida, tanba mosu mudansa klimátika, pior liu OJE la passa, halo sirkulasaun ekonomia ne’e lato’o iha baze.

“Povu agora osan laiha, ekonomia la la’o, ha’u nia povu agora ne’e, kami’i foin tun tarutu de’it, sira ba foti kedas ona, sira tane liman hein los de’it kami’i, hodi tuku depois ba faan, osan agora laiha liu, sira ba iha merkadu ne’e mós lori saida mak atu sosa saida loos?, susar liu. Ferik katuas sira simu osan idozus nian ne’e mós simu mai fó hotu kedas ba ema iha kíos sira ne’e, tanba antes ne’e debe nakonu hotu, agora ne’e osan mukit liu, tanba husi 2017 to’o mai agora ne’e, osan ne’e iha ne’ebé de’it, sirkulasaun osan ne’e la la’o liu, osan laiha liu,  hadomi netik ita-nia povu ne’ebé mak agora terus hela ne’e”,hateten Administradór Postu Fohorem, Carlos de Araújo ba deputadu sira, durante sorumutu, hafoin halo fiskalizasaun ba projetu eletrisidade iha Fohorem semana kotuk.

Autoridade Postu Fohorem ne’e preokupa liu tan, ho mudansa klimátika ne’ebé iha sei afeta ba vida populasaun agrikultór nian.

“Liu-liu agora udan mosu maibé tarde ne’e, tuir loloos hanesan tinan sira uluk ne’e, tempu hanesan ne’e panen de’it ona, maibé agora laiha, anin komesa atu bo’ot ne’e, udan mós laloos, povu osan laiha, ai-han de’it mós laiha ne’e atu oinsa loos povu nia moris ne’e, ita bo’ot (deputadu) sira haree took ba, ami agradese ita bo’ot (deputadu) sira bele to’o mai, ami hakarak ita bo’ot (deputadu) sira mai ne’e di’ak liu, ami mak hasoru hamutuk ho povu ne’e, sira-nia susar no terus hotu ami mak sente hamutuk, dalaruma enkontru ruma iha nível Suku ha’u moe atu ba, tanba sira husu ha’u atu fó loos saida ba sira (povu). Povu hotu halerik mai ha’u katak, Administradór ami povu agora ne’e susar bo’ot, balun oan eskola, hela iha kos tan, defisíl tebes, oan sira husu osan mai atu fó netik $5 susar loos”, tenik Carlos.

Antes ne’e, sosiedade sivíl, ekonomista no akadémiku balun mós preokupa maka’as kona-bá sirkulasaun ekonomia ladun la’o di’ak, tanba impaktu husi impase polítiku ne’ebé kontinua halo povu hela ho inserteza polítika ne’e.

Impaktu husi impase polítiku ne’e, halo proposta Orsamentu Jerál Estadu ba tinan 2020 ne’ebé ho montante billaun USD 1.668 la pasa iha Parlamentu Nasionál.say


Banner

Foto

Notisia Ikus

PPN-Konselleiru KHUNTO deskute plataforma entendimentu OJE 2022

September 24, 2021
Konselleiru máximu Partidu KHUNTO, José dos Sa...

Posibilidade semana oin, Governu sei la estende tan SS iha Díli

September 24, 2021
Diretór Sala Situasaun Sentru Integradu Jestaun...

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker