Diretor Ezekutivu SERVE, Florencio Sanches hatete, durante ne’e SERVE rezista ona kompañia internasional no nasional, hamutuk rihun rua nolu resin hitu atus tolu (27.300) resin, hodi halo atividade negósiu iha iha Timor-Leste (TL).
Diretur Ezekutivu SERVE haktuir, maske situasaun impase polítiku kontinua la’o iha rai laran, hodi fó impaktu ba ekonomia, maibé kompañia sira balun kontinua halo atividade hanesan bai-bain.
“Impase polítiku ne’e, fó impaktu ba ekonomia, maibé kompañia sira balun kontinua halo atividade hanesan bai-bain, ne’ebé SERVE halo ona rezistu ba kompañia Internsional no nasional hamutuk rihun 27.300 resin, no husi númeru ne’e barak liu kompañia nasional atu hala’o atividade negósiu iha rai laran”, hateten Florencio Sanches ba Jornalista sira, hafoin lansamentu sistema SITGAS iha Fatumeta Díli.
Diretur SERVE ne’e rekuñese, relasiona ho impase ne’e, iha duni pedidu balun husi kompañia balun atu taka sira-nia kompañia, maibe SERVE husu ba kompañia nain atu labele taka, suspende de’it atividade negósiu, nune’e kompañia balun halo tuir duni saida mak SERVE haruka.
Entretantu, hahú fulan Janeiru to’o Dezenbru tinan 2019, SERVE hatama ona reseitas domestika ba kofre Estadu hamutuk rihun atus hat resin.aba
