GMN TV Economia Lisun hapara distribuisaun sesta bázika

Lisun hapara distribuisaun sesta bázika

0 views

Jestór Lisun, Pascoal Suri Mali, deklara, empreza Lisun taka ona sistema distribuisaun sesta bázika ba benefisiáriu sira ba suku Bairro Pite, Comoro no Lahane, tanba impaktu husi Governu halo pagamentu tarde ba kompañia.

Maske antes ne’e, Ministru Koordenadór Asuntu Ekonómiku (MKAE), Joaquim Amaral, deklara, sei halo pagamentu ba empreza distribuidór iha fulan ne’e, maibé seida’uk iha data fiksu.

Benefisiáriu 1000 resin ne’ebé Lisun seidauk distribui sasán bázika ba sira, sei tama hamutuk ho benefisiáriu sira ne’ebé tama iha lista reklamasaun, tanba kompañia tenke hein Governu hodi halo pagamentu, nune’e empreza sosa hikas produtu hodi distribui. Maske nune’e, empreza Lisun halo ona atendimentu ba benefisiáriu sira, hamutuk 2000 resin.

“Lisun taka, tanba saida mak agrikultura ami seidauk selu, tanba osan husi Governu atu selu mai kompañia seidauk iha, oinsa ho Governu seidauk simu ami hein Governu bainhira mak atu toma responsabilidade ninia promesa ne’ebé que atu selu ami-nia kompañia, ami kompañia lamenta tebes, tanba promesa ne’ebé hato’o mai ami badak, besik no promesa ne’e kapás tebes, maibé birokrásia mak estraga kada loron ami hasoru malu husu, maibé razaun sistema, razaun lei ami-nia pergunta sistema sé mak kria, sé sistema Governu mak kria, tanba sa la kria ba nia programa rasik, Lisun taka tiha ona, maibé ami sei hein promesa ne’ebé que Governu fó mak ami sei bele fó benefisiáriu sei hela 1.480 Lisun taka ona”, Jestór Kompañia Lisun ne’e ko’alia ho lian maka’as ba GMN iha ninia kna’ar fatin Comoro, Tersa (16/02/2021).

Antes ne’e, Ministériu Finansa (MF) hasai ona sirkulár ida hodi ko’a osan husi kada ministériu ho porsentu 7, hodi apoiu Programa Sesta Bázika.

Governu rasik to’o oras ne’e seidauk halo levantamentu Fundu Petrolíferu (FP) husi Banco Central de Timor-Leste (BCTL), maske Ministru Finansa, Rui Gomes, deklara, prosesu levantamentu sei hahú iha fulan Fevereiru ne’e. ina


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker