GMN TV Economia MF kontinua defende seidauk iha nesesidade foti OJE 2021

MF kontinua defende seidauk iha nesesidade foti OJE 2021

0 views

Ministru Finansa (MF), Rui Gomes, kontinua defende nafatin kona-bá seidauk iha nesesidade atu halo levantamentu ba Orsamentu Jerál Estadu (OJE) tinan 2021, tanba osan tokon USD 238 sei iha kaixa tezouru. 

Tuir MF, Governu seidauk halo levantamentu ba OJE 2021, tanba reseita doméstika ne’ebé sustenta hela kaixa tezouru Estadu nian. Reseita doméstika ne’e mai husi impostu sira no taxa ne’ebé kada fulan Governu arrekada tokon USD 12 to’o 15.

“Kada ita halo levantamentu ne’e nunka iha iha primeiru trimestre, kada tinan sempre ita halo por volta Maio no Junho sira ne’e. Tanba ita-nia osan iha kaixa ne’e sei iha, kada fulan Ministériu Finansa mós kolleta hela impostu ne’ebé osan sira ne’e tama hela, entaun do que ita foti ita-nia osan husi Fundu Mina-rai rai de’it iha Tezoraria funan laiha, entaun husik osan ne’e iha liur ka buat ne’e hanesan ne’e. Ne’ebé ami monitor hela buat ne’e kada loron, ne’ebé ita-boot sira lalika preokupa ba ida ne’e. Ita-boot di’ak liu preokupa ho buat sira ne’ebé mak boot liu mak má nutrisaun, problema boot ita-nia moras COVID-19, problema boot dezempregu, ne’e problema boot, ita-nia kiak iha rai Timor ne’e problema boot, uma ba ema sei problema boot, bee-moos laiha preokupa mak buat sira ne’e agora kona-bá osan husik ami mak jere”, Rui Gomes ba jornalista sira hafoin halo abertura ba Reuniaun Trimestrál ho Parseiru Dezenvolvimentu Timor-Leste iha salaun Ministériu Finansa, Sesta (19-02/2021).

Rui Gomes mós rejeita informasaun ne’ebé espalla iha públiku katak, atu foti osan husi Banku Federál Amérika presiza asinatura husi individu balun iha Timor-Leste.

Tuir Governante ne’e Fundu Petrolíferu ne’ebé rai iha Banku Federál Amérika ne’e uza konta Bankária Banco Central de Timor-Leste (BCTL) no la uza konta individu.

“Ida ne’e rumores falsu. Ha’u seidauk asina karta ruma ba iha Banku Sentrál. Osan ne’e iha Banku Federál tau iha konta Banku Sentrál nian portantu ita nia osan ita bele halo levantamentu kualker tempu. Ha’u hanoin ami laiha problema ho liquedez alias ezekusaun orsamentál ba loron ohin besik to’o pursentu 12. Osan besik tokon 100 resin mak sirkula ona iha ekonomia no ami laiha problema ruma. Agora orsamentu iha kaixa tezouru besik tokon 238 to’o loron ohin. Nune’e ha’u haree seidauk iha nesesidade atu levantamentu”, tenik nia.

MF, Rui Gomes, relata mós katak, iha loron 25, fulan kotuk, hafoin halo enkontru regulár ho Primeiru Ministru (PM), Taur Matan Ruak, iha Palásiu Governu. Governu sei husu BCTL hodi prosesu levantamentu iha fulan Fevereiru. Maibé to’o oras ne’e seidauk halo levantamentu. oct


Banner

Foto

Notisia Ikus

Militante partidu haat afilia ba CNRT

September 28, 2021
Juventude no Veteranu husi partidu haat iha Suku...

Kongresu nasionál FRETILIN, adia ba 2022

September 28, 2021
Partidu Frente Revolusionáriu Timor-Leste Indep...

PR dekreta Ma’Huno halo’ot iha JHPM

September 28, 2021
Prezidente Repúblika (PR), Francisco Guterres L...

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...
1 2 3 645

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker