GMN TV Economia Kompañia Resource Features hahú ona estudu ba mármore Manatuto

Kompañia Resource Features hahú ona estudu ba mármore Manatuto

0 views

Governu ho Autoridade Nasional Petroleu no Minarais (ANPM), kontrata ona kompañia internasional husi Australia, hodi halo estudu ba mármore iha Aldeia Ilimanu, Suku Uma Kaduak, Postu Administrativu Laklo, Munisípiu Manatuto.

Antes halo estudu, Governu no ANPM, halao serimonia kultural, hodi loke dalan ba prosesu tomak.

Ministru Petroleum Rekursu Minerais, Mariano Assanami Sabino hateten, Estadu loke dalan atu halo survey klean liu tan ba  kualidade marmer iha Timor Leste.

 “Ami mai ho populasaun Ilimanu atu tuku odamatan ba ita nia beala no avo sira ne’ebé iha parte ne’e, nomós ba lulik sira iha fatin ne’e, li-liu Ilimanu nian ne’ebé kuñesidu kedas desde uluk, sira nia tradisaun ne’e forte tebes, tanba ne’e mak mai tuku odamatan atu halo servey ne’e,” relata nia Assanami Sabino ba jornalista sira iha Suku Uma Kaduak Manatuto, Kinta (01/02), hafoin halo sosializasaun ba povu kona ba estudu ne’e.

Nia hatutan, survey marmer ne’e, sei kontinua la’o, no hetan akompañamentu husi ANPM ho Institutu Petroleum Geolojia ka IPG.  Estudu ne’e, kompostu husi  expert ka matenek nain  oi-oin mak hanesan, expert kona ba marmer nian, no expert seluk atu haree kona ba merkadu marmer nian.

Asanami haktuir, estudu ne’e, halo husi kompañia Resource Features, no servisu hamutuk ho Universidade Nasional Timor Lorosa’e (UNTL) atu haree volume marmer iha Manatuto ne’e oinsa.

“Marmer ne’e iha merkadu internasional, marmer ne’ebé mak tuan maibé kualidade diak, maibé marmer balu se nurak hela. Entaun presiza haree didiak ida ne’e, tanba ho presaun iklima no kondisaun rai atu oinsa halo marmer ne’e nia kualidade diak,” katak Asanami.

Alende ne’e, Vise Prezidenti Autoridade Nasional Petroleum no Minarais (ANPM), José Gonsalves mós hateten, seremonia ne’e atu halo sosializasaun ba estudu avaliasaun fatuk marmer iha Ilimanu Manatuto, hodi povu bele hatene.

“Seremonia kultural, hanesan ema Timor Leste, ita husu ba rai na’in sira atu loke dalan mai ita para ita bele tama hodi haree ita nia rikusoin sira ne’ebé mak ita iha, no sosializasaun ne’e, atu esplika ba komunidade iha ne’e kona ba programa saida mak sei halo, para sira labele hakfodak bainhira ekipa survey la’o tunsa’e iha sira nia let hodi foti fatuk ruma hodi halo teste,” katak José Gonsalves.

Nia haktuir, ekipa ne’ebé atu halo survey ne’e, sei hala’o sira nia servisu iha semana ne’e, tanba programa estudu ba fatuk marmer ne’e, sei la’o durante tinan ida, tanba presiza estudu iha terenu, lori ba teste iha laboratorium, no lori ba hatudu iha merkadu internasional.

“Ami halo prosesu tender, kompañia Resource Features mak manan, entaun kompañia ne’e mak sei halo estudu. Montante orsamentu ba projetu ne’e, ami fahe ba tinan rua,  tanba prosesu ne’e komesa iha tinan kotuk, entaun nia montante hamutuk US$ 4000,” katak José Gonsalves.cos


Banner

Foto

Notisia Ikus

PR Lú Olo preokupa instabilidade kontinua mosu iha rai-laran

December 2, 2021
Xefe Estadu Maior Jenerál FALINTIL-Forsa Defeza...

PN hahú diskute proposta OJE 2022 billiaun 1.675 iha faze jeneralidade

December 2, 2021
Parlamentu Nasionál (PN) kinta lejislatura, Kua...

PM Taur: Situasaun Tolu Implika PIB TL tun ba Negativu 8

December 2, 2021
[caption id="attachment_43754" align="aligncenter"...

OJE 2022, Governu Prevé Millaun 25 ba Subsídiu FP

December 2, 2021
Parlamentu Nasionál (PN) Kinta lejislatura, Kua...

KM Aprova Projetu Deliberasaun no Ezonerasaun ba Calisto dos Santos “Coliati”

December 2, 2021
[caption id="attachment_52724" align="aligncenter"...
1 2 3 668

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker