GMN TV Economia Semana oin PM enkontru ho ekipa negosiadór FM

Semana oin PM enkontru ho ekipa negosiadór FM

0 views

Ih

Iha semana oin Primeiru Ministru (PM), Mari Alkatiri sei konvoka enkontru ida ho Xefi Negosiador ba Fronteira Marítima (FM), Kay Rala Xanana Gusmão, hamutuk ho nia ekipa, hodi bele simu relatóriu ruma.

Maski nune’e tuir Primeiru Ministru (PM), sei fó tempu ba xefi negosiadór Fronteira Marítima, Xanana Gusmão atu bele deskansa, tanba kole ho servisu fronteira marítima ne’ebé hala’o ona durante liu fulan 6 iha rai liur.

“Ha’u atu konvoka konsellu Fronteira Marítima Timor nian iha semana oin, maibé ha’u sei fó tempu, tanba xefi negosiadór ba FM Xanana Gusmão kole oituan, husik deskansa lai ba, fó tempu semana ida, Tersa feira nune’e, ha’u sei konvoka reuniaun atu simu relatóriu ruma, wainhira iha relatóriu ruma atu fó,” hateten Primeiru Ministru Mari Alkatiri hafoin enkontru ho Prezidenti Repúblika, Francisco Guterres Lú Olo iha Palacio Prezidensiál Nicolau Lobato Díli, Kinta (15/3).

Iha okaziaun ne’e Primeiru Ministru, Mari Alkatiri mós hateten,wainhira iha orsamentu ne’ebé loloos, sei tau kondisaun hodi aumenta kapasidade F-FDTL no PNTL atu bele asegura fronteira marítima Timor Leste nian.

Tuir Alkatiri, kapasidade ne’ebé bele aumenta ba F-FDTL, área komponente naval no polisia marítima mak sei aumenta kapasidade iha aereo hanesan helikopteru ka aviaun para bele halo survey iha fronteira marítima.

“Ita tenki iha kapasidade iha komponente naval iha polisia marítima, iha aereo mós tenki iha kapasidade ruma, helikoteru ka aviaun para bele survey ba buat sira ne’e hotu, tanba iha tasi ita laba ho beru ida,”Alkatiri hateten.

Molok ne’e, Ministru Defeza no Seguransa, José Agostinho Sequeira Somotxo mós hato’o ona nia preokupasaun konaba seguransa fronteira marítima, tanba tuir nia haree, Timor Leste seidauk iha material sufisiente atu asegura to’o liña fronteira marítima.

Fronteira marítima Timor Leste ho Australia termina ona liuhusi akordu ne’ebé asina iha Nova Iorque iha  loron 6 fulan Marsu tinan ne’e.ías


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker