GMN TV Economia VII Governu sei akompaña projetu Portu Tibar ■Gasta US$ 270 miliaun

VII Governu sei akompaña projetu Portu Tibar ■Gasta US$ 270 miliaun

0 views

VII Governu sei akompaña hodi fo atansaun tomak ba kompañia Timor-Port  atu halo kontruksaun ba Projetu Portu Tibar to’o remata.  Tuir planu Portu Tibar ne’e nia durasaun tempu konstrusaun ba tinan tolu nia laran.

Primeiru Ministru, Mari Alkatiri, hateten VII Governu ne’ebé nia lidera sei fó atensaun tomak ba Projetu Portu Tibar ne’ebé konstroe husi kompañia Timor- Port, tanba investimentu ne’ebé Governu halo ba projetu ne’e, bo’ot tebes.

“Investimentu ida bo’ot tebes ba ekonomia Timor- Leste osan husi Governu ba projetu ida, mai husi minarai no gas, signifika investimentu ne’e, tenki fó rezultadu ida diak para ita bele justifika despezas ida bo’ot tebes husi rekursus. Ita hotu hatene projetu ida ne’e importante tebes ba ekonomia Timor-Leste, maibé ita hotu hatene projetu ida ne’e harii fatin ida sensibiliza tebes. Tanba ne’e jestaun ambiental projetu ida ne’e mak sai bo’ot ba VII Governu, ou aban bainrua sei nafatin VIII Govenu ba jestaun ambiental,  tanba sustentabilidade mós liga ba ambiental. Ha’u fó parabens ba Timor-Port, tanba manan konkursu kompañia ida ho naran internasional, no fó parabens ba China haurve ne’ebé atu halo no investe projetu ne’e,” hateten Primeiru Ministru, Mari Alkatiri,  iha nia diskursu ba Jornalista iha Portu Tibar, Kuarta (15/03).

Nia afirma,  projetu ne’e interese Estadu no povu Timor-Leste nian, no liu husi projetu ne’e sei ajuda ekonómia hodi muda vida povu Timor–Leste nia moris, tanba sei loke servisu barak ba komunidade sira.

“Projetu ida bo’ot sempre importante, no projetu ida sai preokupante bo’ot, maibé ha’u laiha dúvidas bainhira akordu ida ne’e Timor-Leste sei dezempeña ba funsaun ida ne’e iha rejiaun dezempeña funsaun ida forsa Marítima, em termos dezenvolvimentu komersiu industria iha nivel regional, no internasional bo’ot tebes,”katak Alkatiri.

Xefi Governu ne’e relata, maske laiha dúvida, maibé kuidadu hotu tenki iha para akompaña. Tanba ne’e la’os osan povu nian de’it, maibé atu hadia ekonomia ida ne’ebé mak sustentavel.

Iha fatin hanesan, Ministru Finansas, Rui Gomes, mós hateten, Governu Timor Leste halo akordu dirita ba projetu Portu Tibar ho kompañia Timor-Port, no sira-nia supermerkadu.

“Dezeñu ba  projetu  ne’e, prepara  husi kompañia Timor-Port, halo husi China Hairve. Iha seremonia ne’e mós asina akordu intrega lisensa aturas prinsipal no parte integradu husi parte planu estratejia, dezenvolvimentu nasional 2011-2030, ho objetivu atu bele fasilita komersiu no promeve dezenvolvimentu ekonómia nasaun, atu nune’e nasaun ida ne’e bele alkansa rendimentu iha nivel altu iha tinan 2030,”dehan nia.

“Mai haree ba ita-nia rekursu humanu no teknolojia Portu tasi, ne’ebé sei limitadu tebes. Ami fiar metin katak, desizaun Governu nian ida ne’e diak tebes, tanba buka modalidade parseiru privadu ida ne’ebé selesiona nu’udar operador ida ne’ebé mak koñesidu iha mundu, hodi mai halo kontstrusaun ida ne’e. Agora dadaaun kompañia ida ne’e halo ona Portu 21 no portu draikot hamutuk 25 iha mundu, tanba ne’e parseria ho kompañia ida ne’e para aban bairua ita bele dehan, infraestutura ho nivel internasional,” relata Rui Gomes.

Nia esplika, orsamentu kapital Portu Tibar ne’e, hamutuk US$ 270 milloens, no husi montante ida ne’e, Governu hamenus US$ 130 milloens, nune’e investimentu tinan 30 mai ne’e ho konsesaun hamutuk US$ 500 milloens.

Nune’e mos Diretor Jeral kompañia Timor-Port, Erik Mancini, agradese ba Governu Timor-Leste, tanba fó ona fiar ba kompañia Timor-Port atu realiza projetu Portu Tibar ne’e.

Orsamentu ba obra ne’e, Governu ho kompañia Timor-Port halo sosiu hamutuk hodi realiza projetu ne’e, no sei finaliza iha tinan tolu nia laran, no kontinua kontratu fahe reseitas 50 % ba Governu no 50% ba kompañia nain to’o trinta dias mak foin intrega ba Estadu Timor-Leste, tanba investimentu  ne’e investimentu públiku no privadu.aba


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker