GMN TV Economia Atendimentu ladi’ak, Kliente BNCTL husu autoridade hadia sistema

Atendimentu ladi’ak, Kliente BNCTL husu autoridade hadia sistema

0 views

Kliente Banco Nacional do Comersio de Timor-Leste (BNCTL) husu autoridade BNCTL atu hadia sistema banku, nune’e la bele difikulta sira atu foti osan inklui selu taxa, tanba tinan barak ona kliente sira tenke forma naruk no dudu malu tanba deit sistema banku a’at no atendimentu ladiak ka kleur demais.

Kliente BNCTL, José da Costa, preokupa ho sistema banku tamba sempre difikulta sira atu foti osan no halo sira lakon tempu servisu hodi forma no hein to’o oras barak nian laran, tamba deit sistema ne’ebé a’at no atendimento ladiak.

“ ami nia hakarak ne’e banku tenke tau ema ne’ebé halo atendimento lais no barak hodi lalais, tamba sistema banku a’at depois ema ne’ebé halo atendimento menus ida ne’e halo ami lakon tempu deit, dehan  Kliente BNCTL, José da Costa, ba JN-Diario segunda (25/03/2019) iha Mandarin Dilí.

Kliente BNCTL ne’e haktuir, kada fulan bainhira ami mai foti osan iha banku sistema sempre  a’at no besik tinan rua nulu ona laiha mudansa, ne’ebe ami husu ba banku atu hadia sistema hodi labele difikulta ami bainhira atu foti osan.

Nune’e mos, Kliente Joana Campus, hatete nia parte triste ho sistema banku nian ne’ebé difikulta sira bainhira atu foti osan iha fulan-fulan, no halo sira lakon tempu servisu nian hodi forma maibé dalaruma la konsege foti osan tamba deit ema ne’ebé halo atendimento kleur no sistema banku nian todan.

“ ami husu ba governu atu tau matan ba banku hodi nune’e ami ne’ebé mai foti osan bele tuir oras, tamba ami husu lisensa husi servisu mai foti osan maibé realidade ami mai to’o iha banku sistema a’at no ema ne’ebé halo atendimento mos kleur, ida ne’e halo ami lakon tempu servisu nian hodi mai forma maibé forma mos dalaruma la foti tan osan to’o ami fila deit ba uma.”afirma Kliente  Joana Campus.

Iha fatin, Kliente Manuel Albanu, hatete ho sistema banku ne’ebé a’at no atendimento ne’ebé kleur halo sira atu selu taxa susar tamba tenke hein kleur no forma naruk hafoin bele selu, tamba ne’e sira husu ba Autoridade banku atu tau atensaun hodi hadia sistema ne’ebé iha.

“ ami mai selu taxa ne’e laos ba ema maibé osan taxa ne’e Estado, agora ho sistema ne’ebé a’at halo ami tenke dudu malu hadau malu ida ne’e oinsa, osan ne’ebé selu ba estado atu uza ba saída nusa la hadia sistema ne’ebé a’at hodi halo atendimento ba kliente sira ho diak, se lae ho sistema hanesan ne’e mak kliente sira bele halai fali ba banku seluk.” sublina Kliente Manuel Albanu.

Manuel Albanu, salienta atu labele difikulta kliente sira atu selu osan no selu taxa, mak banku tenke loke tan liras iha fatin-fatin nune’e ema labele mai hadau malu no forma naruk hodi hein atu simu osan no  selu taxa.

Hatan ba asunto ne’e, Vice Prezidente BNCTL, Antonio Florindo Abrantes, rekonse katak sistema banku a’at maibé laos kleur ona tanba ne’e parte BNCTL haruka tekniku atu hadia fila-fali sistema nune’e labele difikulta kliente sira atu foti osan no selu taxa.

“ ami nia tekniku agora halo hela esforsu makas atu bele detekta tok sistema a’at ne’e tamba saída no nia falha ne’e iha ne’ebé, tamba durante ne’e ami nia sistema lao diak hela maibe derpenti deit sistema falha ida ne’e mak ami buka atu hatene, maibé karik ladiak mak ami sei husu apoiu ba ami nia provaider sistema atu hadia.” dehan  Vice Prezidente BNCTL .

Antonio Florindo Abrantes,esplika konaba atendimento ida ne’e laos husi Fúnsionaru sira maibé tamba husi sistema tamba kuando sistema lao normal atendimento mos lao normal, tamba ne’e agora ami buka atu hadia sistema ba kliente sira atu labele hein kleur. Fel


Banner

Foto

Notisia Ikus

FRETILIN: Ema balu tenta destrói amizade Taur-Alkatiri iha MedSos

September 23, 2021
Xefe bankada FRETILIN, Francisco Miranda Branco,...

Governu propoin PR Lú Olo renova EE

September 23, 2021
Governu kontinua propoin, ba Prezidente Repúbli...

Governu hakotu SS iha munisípiu tolu, Díli mantein

September 23, 2021
Governu iha reuniaun Konsellu Ministru (KM), Kua...

Governu preparadu antesipa La Niña

September 22, 2021
Sekretariu Estadu Protesaun Sivíl (SEPS), hala...

FP mate, naran nafatin iha lista liña frente, KFP tenke investiga

September 22, 2021
Parlamentu Nasionál (PN), liu hosi bankada CNRT...
1 2 3 643

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker