GMN TV Capital TL hetan ona númeru identidade marítima no aero ■Tempu badak aviaun komersiál 5 hala’o ona operasaun

TL hetan ona númeru identidade marítima no aero ■Tempu badak aviaun komersiál 5 hala’o ona operasaun

0 views

Ministru  Transporte no Komunikasaun (MTK),  José Agostinho da Silva, hateten, Timor-Leste (TL) hetan ona alokasaun númeru identidade marítima  husi Uniaun Internasionál Telekomunikasaun ho númeru kodigu 550, iha loron 4 fulan Marsu  tinan ida ne’e.

José Agostinho dehan, ba futuru  TL  bele uza númeru 550 ne’e hodi hala’o operasaun ho di’ak, tanba durante ne’e aviaun airline uza nasaun Kanada nia númeru no roo Nakroma mós uza hela Númeru Indonézia,  tanba TL seidauk iha númeru identidade rasik.

“Objetivu uza númeru seri identidade ne’e  atu nune’e nasaun sira seluk bele hatene katak, roo no aviaun ne’e husi nasaun TL, ne’eduni primeira vez iha istória nasaun TL nian, Ministériu  Transporte no Komunikasaun liu husi Autoridade  Nasional Komunikasaun,  sei bele aloka identidade úniku servisu movel marítimo ba naviu, aviaun  nomós estasaun terena costeiras iha TL”,  hateten José Agostinho da Silva ba Jornalista sira iha edifísiu Merkadu Lama Caicoli Díli,  Tersa (26/03).

José Agostinho afirma, ho identidade TL nian hodi bele halo  servisu movel marítima ne’e, TL nia roo ho aviaun bele ona utiliza  sistema komunikasaun emerjensia modernu nian, nune’e pasajeirus sira ba servisu transporte hanesan roo berlink Nakroman,  bele mós hetan garante seguransa  servisu ida diak liu tan iha futuru.

Tempu badak aviaun komersiál  5 hala’o ona operasaun

Ministru Transporte no Komunikasaun (MTK), José Agostinho da Silva,  hateten, iha tempu badak,  aviaun komersial 5 husi nasaun 5 hala’o ona operasaun  husi Díli  ba nasaun estranjeiru sira  seluk.

 “Tempu badak Governu sei halo akordu ho aviaun komersial husi nasaun 5, hanesan Malázia, Singapura, Filipina,  Brunei  Darussalam no Nova Zelandia, hodi bele fasilita  pasajeirus Timor-oan no estranjeiru sira halo viajen ba mai. Halo ona ajendamentu hodi nune’e tempu badak Ministru sei ba Malázia atu asina akordu ho Governu Malázia, liu husi Ministru Transporte  no Komunikasaun Malázia nian, atu nune’e bele fasilita  área aire line  sira husi Malázia  tama semo husi TL ba estranjeirus, hodi fasilita pasajeiru sira diak liu tan, no akordu ne’e mós sei kontinua ba nasaun sira seluk, hanesan  Singapura, Filipina  Brunei  Darussalam, Nova Zelandia no Australia”,  informa José Agostinho da Silva  Jornalista sira  iha edifísiu MTK Caicoli Díli, Tersa (26/03).

Agostinho afirma, bainhira  air  line mai barak iha TL,  signifika presu bilete aviaun nian bele tu’un ona, tanba durante ne’e presu tiket aviaun nian sai preokupasaun bo’ot ba komsumedores sira.

Tanba ne’e, Agostinho dehan, ba futuru polítika Governu  sei buka solusaun  atu komesa hamenus ona folin tiket aviaun nian.aba


Banner

Foto

Notisia Ikus

Governu adia aprovasaun ba realojamentu vítima DN

September 27, 2021
Governu liu husi reuniaun Konsellu Ministru (KM)...

PM Taur: TL lakon fundadór ida

September 27, 2021
Primeiru Ministru (PM), Taur Matan Ruak, hamutuk...

Alkatiri: Ma’huno sai luta povu tomak nian

September 27, 2021
Sekretáriu Jerál Partidu FRETILIN, Marí Alkat...

Komisaun F bolu urjente MS Odete

September 26, 2021
Komisaun F Parlamentu Nasionál trata asuntu Sa...

Xanana: Ha’u ho Ma’huno mak reorganiza rezisténsia armada

September 26, 2021
Eis komandante Em Xefe FALINTIL, Kay Rala Xanana...
1 2 3 644

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker