GMN TV Economia ANPM asina akordu ho kompañia Marble Timor, atu peskiza marmore iha Manatuto

ANPM asina akordu ho kompañia Marble Timor, atu peskiza marmore iha Manatuto

0 views

Autoridade Nasionál Petroleu no Minerais (ANPM) asina akordu ho kompañia Uma Marble Timor,atu halo peskiza ba rekursu marmore iha suku uma ruak, postu administrativu Laklo, Munisipiu Manatuto.

Akordu ne’ebé Autoridade Nasional Petroleu no Minerais asina ho  kampañia internasional Uma Marble Timor ne’e, atu kompañia refere halo peskiza hodi determina  kualidade no kuantidade rekursu marmore iha munisípiu Manatuto, postu administrativu laklo, suku uma ruak.

Vise-Prezidente ANPM Asuntu Rekursus Minerais , José Gonçalves hateten, kompaña Uma Marble Timor ne’ebé lidera husi Timor-oan ne’e, sei halao peskiza no esplorasaun durante tinan 1 iha area parte norte postu laklo nian, ho rai hektares atus hat.

“Ambitu husi kontratu ida ne’e mak sira halo peskiza ou explorasaun katak iha faze ida ne’ebé atu hatene rekursu ne’e iha ka lae, depois de faze ne’e hotu mak iha duni rekursu ho kualidade no kuantidade ne’eb’e sufisiente entaun ita hakat ba faze tuir mai faze dezenvolvimentu produsaun ne’ebé sei presiza kontratu seluk tan ne’ebé fo dalan ba sira hodi bele ke’e hodi fa’an ba iha merkadu”, haktuir, Vise-Presidente ANPM Asuntu Rekursus Minerais, José Gonçalves,ba JN-Díario hafoin asina akordu, iha Ministériu Finansas Aitarak-Laran, Tersa (10/03/2020).

Iha fatin hanesan mos, Diretór Kompañia Uma Marble Timor, Jackson Lay promete, liu husi kooperasaun ne’e hodi fó konfiansa ba kompañia atu bele halo investimentu iha Timor-Leste no loke oportunidade servisu ba Timor-oan sira.

“Ami nia vizaun mak atu bele hahu industria marmore no lori produtu ho marka uma ba mundu bele koeñese diak liu tan, no ami nia misaun mak fo kampo de traballu ba komunidade lokal no fo formasaun ba traballadores sira iha area uma kaduak no fora husi area ne’ebá, ami nia esperansa atu bele aumenta rendimentu ba uma kain direita no indireita asosiadu ho investimentu marmore, Governu hanesan taxa ba kofre Estadu”,  dehan, Jackson Lay.

Jackson esplika Kompaña Uma Marble Timor, ne’e kompostu husi investor nain 2 husi nasaun Singapura no sei halo implementasaun no planu explorasaun ne’ebé fo impaktu minimu ba ambiental,  orsamentu ba investimentu iha faze peskiza nian ne’e ho montante rihun USD 700.Ida


Banner

Foto

Notisia Ikus

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...

PR-PPN la marka prezensa abertura sesaun lejislativa da-haat

September 16, 2021
Kada tinan Parlamentu Nasionál (PN) sempre halo...

CNRT-PD no KHUNTO preokupa OJE 2021 "la folin"

September 16, 2021
Parlamentu Nasionál (PN), liu hosi Bankada opoz...

Promesa barak Governu seidauk realiza

September 15, 2021
Parlamentu Nasionál (PN) períodu resesu durant...

PM Taur rekuperadu husi COVID-19

September 15, 2021
Primeiru Ministru (PM), Taur Matan Ruak, rekuper...
1 2 3 639

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker