GMN TV Economia Autoridade munisípiu Ermera preokupa agrikultór tesi kafe

Autoridade munisípiu Ermera preokupa agrikultór tesi kafe

0 views

Prezidente Autoridade Munisipiu Ermera, José Martinho dos Santos Soares preokupa no lamenta ho agrikultor balun iha Munisipiu Ermera ne’ebé tesi Kafe arbiru no laiha intensaun hodi kuda fila-fali, hodi halakon rikusoin Timor nian.

“Kafe ermera no kafe sira iha munisipiu seluk mak halo Timor nia naran bo’ot, ha’u hare’e no observa kintal barak mak tesi tiha kafe no hada fali Ai, hanesan iha Railaco nian ne’e tesi ba hada iha estrada ibun depois la kuda kafe maibé kuda pipinu, batar no lakeru, ita haluha tiha katak kualdiade kafe Timor ne’e mak kualidade diak liu iha mundu,” dehan, José Martinho, hafoin partisipa iha lansamentu ba kuda Baunila ne’ebé hala’o iha Aldeia Cucoa, Suku Railaco Kraik, Munisípiu Ermera, Sesta (13/03/2020).

Nune’e mos, Xefe Departementu Jestaun Floresta no Planta Industriais Ministeriu Agrikultura no Peska (MAP) Munisipiu Ermera, Luis de Deus hateten, durante ne’e halo ona sosializasaun no formasaun maibé ba agrikultor sira mak laiha intensaun no vontade hodi kuidadu kafe.

“Ida ne’e realidade ne’ebé mak akontese iha Ermera, ita preokupa hotu tanbá Ermera famosu ho produsaun kafe no kafe sira ne’e ita nia beiala sira mak kuda mai to’o agora ita sei utiliza, maibé ita la kuda tanbá komunidade laiha intensaun atu hadia, tanbá ne’e MAP hahu iha 2016 ita halo fali rehabilitasaun no sosializasaun ba komunidade sira no fo hanoin ba sira katak ho idade avandsadu ne’e bele hadia fali atu kuu no bainhira kuda boot bele fo benefisiu, maibé komunidade agora hakarak mak buat ne’eb’e lalais deit,” dehan, Luis de Deus.

Luis esplika, servisu agrikultura no peska iha Munisipiu Ermera tenta atu esforsu hodi kuidadu rikusoin hirak ne’e maibé sei iha dezafiu hanesan rekursu umanu la sufisiente no sedauk espalla iha postu Administrativu no suku sira hodi tau atensaun maximu.Ida

 


Banner

Foto

Notisia Ikus

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...

Xanana hasoru malu ho SekJer ONU no PM Portugal iha Lisboa

June 29, 2022
Reprezetante Espesial Prezidente Repúblika Ti...

AJAR: Polítiku sira halo lei benefisia liu ba an rasik, doque povu kiik

June 29, 2022
Diretór ezekutivu Asia Justice And Right (AJAR)...
1 2 3 741

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker