Relasiona ho informasaun ne’ebé AIFAESA simu kona-ba presu fós aumenta sae, Ministru Koordenador Asuntu Ekonomia (MKAE) Interinu, Fidelis Leite Magalhães, husu ba públiku bainhira atu halo keixa, kona-ba presu sasan sa’e tenki verifika didiak.
“AIFAESA simu ona informasaun kona-ba presu fós folin sae iha munisipiu Lautem, tamba ne’e AIFAESA halo hela akompañamentu ba situasaun ida ne’e, no sira preparadu hela atu halo atuasaun bainhira hetan keixa ruma, maibé husu ba públiku keixa hirak ne’e tenki kredivel, bainhira presu fós antes ne’e USD 10 depois hasa’e ba USD 20 ba leten ne’e presu espekulasaun nian, bainhira nia presu sae ituan tamba situasaun mundial nian, ne’e laiha problema,”dehan, MAKE, Fidelis Leite Magalhães, iha Palasiu Governu, Kuarta (18/03/2020).
Fidelis hatutan, sasan folin tenki iha mudansa tamba merkadu mundial mós, atualmente iha mudansa agora ita tenki foka liu ba presu hirak ne’ebé mak sae nia forma hanesan abuju estreme, sira seluk AIFAESA sei tun verifika, hafoin foti desizaun tuir lei.
“Husu komunidade sira, wainhira halo keixa, verifika didiak antes halo keixa, tamba rekursu iha Timor sufisienti, maibé rekursu la’os resin, tamba ne’e rekursu ne’ebé iha uza ho forma organizadu no rasional, bainhira iha fatin hotu keixa ho halimar, ne’e sei difikulta servisu orgaun hanesan AIFAESA nian”, afirma, Fidelis.Cin
