Ekonomista João Mariano Saldanha, hatete, atu evita resesaun ekonomia, Timor-Leste presiza foti osan husi Fundu Petrolíferu liu Redimentu Sustentavél Estimativu (RSE). João Mariano Saldanha hateten, ekonomia Timor-Leste ba tinan ne’e sei monu entre pursento tolu to’o haat tanba impactu husi pandemia Covid-19.
“Ita laiha krize nia laran mos ita hasai exesso rendimento sustentavel estimativo barak liu. Durante tempo la’os krise ita to’os para hasai osan fundo mina rai ninian tamba ita iha alternativu sira seluk para bele hasae rendimento ita nian. Agora ne’e laiha alternativo sira seluk para hasa’e rendimento Timor-Leste nian, ita tenki rekorre ba iha ita nia fundo mina rai para hodi estimula fali ita nia ekonomia lokal”, hateten João Mariano Saldanha iha restaurante El Legendário, Dilí, Segunda(13-04).
Ekonomista ne’e mos hatutan, atu halo rekooperasaun ba ekonomia nasional la’os liu husi subsídio ba uma kain ida ka rua , maibe liu husi pakote estimulos ne’ebé define husi Governo, Parlamento Presidencia República. João Mariano mos salienta kompanhia barak oras ne’e dadauk maka laiha atividade. Ekonomista ne’e mos salienta emperesa balu kontinua sira atividade, maibe iha osan atu selu sira nia funsionario sira durante fulan ida fulan rua nia laran deit, maibe ba tempu naruk ne’e labele, tamba ne’e maka nia konsidera Governo, Parlamento no Presidente da República tenki kria pakote ekonomia ne’ebé mak diak.
“Iha ona ema balun que temi to’o dolar tokon rihun ida husi Fundo Petrolífero para bele antende fali atividade ekonomia sira ne’ebé maka monu, kompanhia sira la halo atividade komersiu industria monu maka’as los turismo ita lalika konta manufactura sira seluk ne’ebé que ita iha ita la produs tamba ita para tamba abastecimento ba material laiha. Tamba ne’e maka agora ne’e tempu atu hasai osan husi fundo petrolífero. Ba hau hanoin entre tokon 250 to’o tokon 500 para atu bele estimula fali ita nia ekonomia sira ne’ebé mak monu” esplika.
Entretanto, tuir lei Fundo Petrolífero Governo labele foti osan husi fundo petroliferu boot liu pursento tolu. Enkuanto, iha foin lalais ne’e, Parlamento Nasional aprova ho unanimidade levantamento extraordinário ho montante tokon 250 husi Fundo Petrolífero, no hetan ona promulgasaun husi Presidente República iha loron hitu fulan ne’e.Oct
