Relasiona ho kazu Corona Virus Disease 2019 (COVID-19) ne’ebé mak aumenta ona iha Timor-Leste (TL), kompañia balun iha TL mós desidi hodi taka ona atividade.
“Iha kompaña balun maka, sira imediata halo tiha ona karta mai ami, temporariamente sei suspende hela sira nia atividade balun, tamba ligasaun ho Estadu Emerjénsia ida ne’e maka, por-exemplu ita haree iha universidade, swasta balun, sira hato’o ona sira nia karta mai, temporaria sira hapara lai sira nia dosente sira ne’e tamba atividade, aprendijazen laiha, to’o Estadu Emerjénsia ne’e remata maka, Estadu deside atu prolonga, automatikamente suspensaun ida ne’e sei la’o tuir ida Estadu Emerjénsia nia lalaok ne’e,” dehan, Inspetúr Jeral do Traballador, Rofino Lopes dos Reis, iha SEFOPE, Caicoli, Kuarta (16/04/2020).
Inspektúr Jeral Traballadór hatutan, iha kompañia balun, mak antes ne’e afirma ona ba parte SEFOPE katak, wainhira kazu aumenta liu onan husi 5, automatikamente sira sei taka atividade iha kompañia.
“Iha tan mós kompaña balun mós por-exemplo ita haree hanesan portu tibar ne’e. Horseik sira mai kontaktu ona direita mai, sira nia manajer mai iha ne’e, sira sei ohin ba oin ne’e sira sei hapara lai sira nia trabalhador sira hotu, liu-liu sira ne’ebé traballador sira ne’ebé maka halo konstrusaun ne’e. Horseik sira hatete kuandu liu ona lima,automatikamente ohin ne’e sira tenki hapara ona,” Tenik, Inspetúr ne’e.
Rofinu mós esklarese kompaña ne’ebé mak lá kumpri tuir regra atu prepara ekipamentus ba traballador ba prevensaun COVID-19, sira sei aplika sansaun tuir kompetensia ne’ebé atribui ona iha lei. Total husi kompaña mak taka ona no lahalao atividade inklui traballador ne’ebé mak hetan ona terminasaun kontratu.
Sekretariu Formasaun Profisional no Empregu (SEFOPE),seidauk iha dadus ne’ebé mak konkretu.Luc
