GMN TV Capital Folin kombustível sa’e, Governu la liga rekomendasaun husi TANE Konsumidór

Folin kombustível sa’e, Governu la liga rekomendasaun husi TANE Konsumidór

128 views

Prezidente Tane Konsumidór, António Ramos da Silva, hateten,  atu antesipa folin kombustível sa’e, antes ne’e, Tane Konsumidór rekomenda ona ba Governu atu implementa subsídiu seletivu ba transporte públiku sira,  no altera lei presu justu, hodi fó biban ba autoridade nasionál atu regula presu ba kombustível iha estasaun sira, maibe to’o agora Governu laiha asaun, nune’e rezulta transporte públiku balun greve, tanba presu kombustível sa’e.

António afirma, presu kombustível sa’e, tanba impaktu hosi presu merkadu internasionál.

 “Lei presu justu ne’e, iha ne’ebá nia regulariza folin sasán hotu, maibe menus ba mina nian (folin mina la regulariza) tanba ne’e mak presiza atualiza hodi regulariza.

Atu solusiona situasaun ne’e, desde fulan Fevereiru ne’e ami fó atensaun ona ba governu atu fó subsídiu seletivu, maibe governu la halo tuir, ne’e mak agora ita sente (transporte públiku) greve iha ne’ebé –ne’ebé hanesan bus iha Baukau ho Vikeke nian, posibilidade mikrolet sira iha Díli laran tan.

Ami bolu atensaun ne’e fulan ida ona ba governu, para fó subsídiu seletivu ba transporte públiku hanesan Mikrolet, Taxi, Bus ho tratór sira para hasa’e produsaun, fó mós subsídiu ba peskadores ba jonson, atu nune’e bele hasa’e mós produsaun, maibe governu dehan lei la fó dalan, maibe bele liuhosi rezolusaun, se atu halo intervensaun iha merkadu, tenke altera lei ida presu justu ne’e, para atu armoniza, tanba lei presu justu ne’e, la kontempla kona-bá presu kombustível iha merkadu.

Tane konsumidór rekomenda nafatin buat rua ne’e, subsídiu seletivu ba transporte públiku para ajuda komunidade no estudante sira ba eskola, ajuda ligasaun konetividade munisípiu sira, maibe subsídiu labele ba hotu-hotu.

Se iha lei la permite intervensaun iha merkadu kombustível, iha lacuna ida ne’e tane sujere para iha alterasaun ba lei ida ne’e, tanba iha lei presu justu kona-bá mina nian ne’e mamuk hela, la deskreve presu iha ne’ebá, signifika lei la fó dalan atu ajuda Autoridad Nasional Petroleum no Minerais (ANPM) ajuda mós diresaun de deliberasaun merkadu ho protesaun konsumidór atu regulariza merkadu komvustivel ne’e.”hateten António Ramos ba jornalista iha edifisíu Tane Konsumidór Kinta (07/04/2022).

Alénde ne’e, Líder tane konsumidór ne’e observa,  iha tendensia estasaun kombustível sira aproveita situasaun hodi inventa presu gazoel sa’e to’o 21%, enkuantu presu normal gazolina mak ás liu duke gazoel.

“Presu ás tuir dadus ne’ebé ami iha, kompara ho dadus ikus, iha día 14 fulan Marsu nian, iha 19 estasium gazolina, ita foti referénsia ba estasium kombustível bo’ot rua, nu’udar distribuidór maibe sira rasik faan mak hanesan ETO ho Pertamina, iha ne’ebá Gazolina ho Gazoel iha fulan Marsu ho presu 1,26 maibe ohin sira hasa’e tantu gazolina ho gazoel ba 1,35.

ETO iha Marsu nia iha de’it 1,16 iha gazoel, no 1,18 iha gazolina, maibe ohin gazoel sa’e maka’as 1,37 maibe gazolina 1,33, signifika tendensia aumenta, inflasaun ne’e aumenta, pertamina nia 9%, ETO nia iha gazoel auementa ba 21%, I gazolina iha 15%.

Ami halo komparasaun de’it distribuidór rua ne’e, tanba sira mós faan rasik, maibe agora dadaun ne’e pertamina ida baratu liu mak realistis, tanba iha Marsu ne’e nia presu 1,10 tantu gazolina ho gazoel, maibe agora gazoel sae ba 1,32 gazolina 1,30.

Tendénsia mak kuaze pompa gazolina sira hotu, hasa’e mak presu gazoel, normalmente gazolina mak karung, agora tendénsia ne’e gazoel mak sa’e, ida sira atu tenta para atu manan iha rendimentu, mais parte ida sira atu aproveita situasaun ida ne’ebé ema hotu sente situasaun krize, hakarak aproveita manan mais hasa’e presu maka’as loos, tanba agora kareta hotu prefere uza gazoel, ne’e mak sira hasa’e fali presu ba gazoel ne’e.

Tuir dadus ne’ebé ami foti iha fulan kotuk, gazoel baratu liu kompara ho gazolina, maibe agora iha tendensia inventa, tanba gazoel mak karun fali ne’e.”subliña Ramos.

Tuir dadus hosi Tane Konsumidór hatudu iha inisiu fulan Abril ne’e, maoria estasaun kombustível sira iha Díli hasa’e folin gazoel ás liu kompara ho gazolina hosi presu $1,32 to’o $1,39.

Enkuantu dadus fulan Fevereiru hatudu, foli gazoel hosi $1,10 to’o ás liu $1,26.Say


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker