GMN TV Capital Folin kombustível sa’e, motorista ponta leste greve

Folin kombustível sa’e, motorista ponta leste greve

970 views

Iha Segunda (04/03/2022), motorista sira  ne’ebé kondus kareta bus halai dirésaun Díli Baucau, Lospalos no Viqueque, hala’o asaun greve iha  fatin estasionamentu Bekora tanba impaktu folin kombustível sa’e iha rai-laran tanba impaktu mos husi folin mundiál nian ne’ebé sa’e hahú iha fulan Marsu to’o agora.

Pasajeiru sira barak mak hein hela bus, dirésaun ba ponta leste nian, maibé bus sira la halo movimentu no para de’it iha fatin estasionamentu Bekora.

Motorista sira la tula pasajeiru hanesan ba bain-leet tanba folin mina  gazoel  ne'ebé antes ne’e litru ida ho folin sentavos 0.98, dadaun ne’e haksoit sa’e ba dolar ida sentavos tolu nulu resin lima no gazolina  folin antes ne’e dolar ida sentavus  rua sa’e ba  dolar ida sentavus tolu nulu resin lima to’o dolar ida sentavus lima nulu. Ho problema ne’e, Reprezentante Motorista Alçino António Ximenes husu ba governu, atu halo intervensaun hodi normaliza, folin mina iha Timor-Leste.

 Nune’e transporte públiku, ne’ebé halo operasaun ba pasajeiru sira, bele hala’o fali sira nia movimentu.

“Ami mogok tanba  folin  mina ne’ebé sae derepente,  tanba ne’e ami husu ba  governu  normaliza fali folin mina ne’e para labele impaktu ba ami morista sira ne’ebé kondus kareta sira pasajeiru hanesan bus”, Reprezentante Motorista Alçino António Ximenes

Pasajeiru Rosita Guterres, hateten, nia hein bus hahú iha tuku hitu dader to’o loraik, maibé bus sira hotu-hotu la halo viajen ba Baucau, maske sira prontu selu tuir motorista nia hakarak.

“Ami atu fila bis iha, maibé ami labele halo viazen, tanba folin mina ne’e sa’e, entaun motorista sira husu ami selu kada ema ida selu  US $5 ami prontu selu, aumenta ba US $6 mós la buat ida”, Rosita Guterres.

Alénde ne’e, pasajeiru sira dirésaun Díli-Baucau prontu selu aumenta, husi dolar haat ba dolar lima. Maibé kundutór bus sira diresaun Díli-Baucau la aseita no kundutór sira hakarak atu aplika husi dolar haat ba dolar neen ba kada pasajeiru.

Uluk Díli-Lospalos ne’e US$8.00 hanesan maluk sira iha Baucau, US$ 4 agora diferensa dook liu.avi

 


Banner

Foto

Notisia Ikus

PN pede às autoridades sanitárias que inspecionam carne vendida nas bermas das estradas

July 1, 2022
O deputado da bancada da Frente Revolucionário ...

Inflasaun Global halo TL lakon retornu investimentu FP biliaun USD 1.6

July 1, 2022
Ministru Finansan, Rui Agusto Gomes hateten, dur...

Xanana husu nasaun hotu atu proteje Oceano ho baze iha siénsia no inovasaun

June 30, 2022
Líder Nasionál Kay Rala Xanana Gusmão, husu b...

SEFOPE sei hamenus númeru dezempregu iha rai-laran

June 29, 2022
Sekretaria Estadu Formasaun Profísional no Empr...

AJAR apresia TR deside Projetu-Lei Responsabilidade PR inkonstitusionál

June 29, 2022
Diretór ezekutivu Asia Justice And Right (AJAR)...
1 2 3 742

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker