GMN TV Economia Empreza 3A Timor S.A hakarak loke nia sede iha Díli

Empreza 3A Timor S.A hakarak loke nia sede iha Díli

3,755 views

Empreza foun 3A Timor S.A, oras ne’e dadaun submete ona pedidu ba Banco Centrál de Timor-Leste (BCTL) atu hetan autorizasaun para bele loke ninia sede ka banku privadu ho kapitál privadu iha Díli.

Tuir nota komunikadu imprensa ne’ebé redasaun Jornal Nacional Diário simu, Gabinete Média Ministériu Planeamentu no Investimentu Estratéjiku (MPIE), iha Tersa (7/3) ne’e, hatutan katak,  investor husi Banku 3A Timor S.A haruka ona dokumentu atu hetan lisensa.

Komunidu ba imprensa ne’e mós hateten katak, 3A Timor S.A ne’e parte husi grupu sosiedade internasionál ne’ebé hakarak valoriza investidór no fundadór banku durante liu tinan sanulu iha “Ázia-Arábika-Áfrika”. Ligasaun forte setór públiku ho privadu, investidór sira hetan iha rejiaun 3, atu hili naran “3A”.

“Futuru banku “3A Timor, SA” atu harií  banku ida haforsa setór finanseiru ho setór banku iha Timor-Leste, nomós atu bele opera iha nivel internasionál no kanaliza kapitál investimentu nian”, nota ba imprensa ne’e haklaken.

Nota komunikadu ne’e hateten tan, investór sira, Masoud Al Harthy husi Omana, Gilles Assouline no Laurent Imbert husi Fransa, halo proposta  atu hetan kapitál ne’ebé disponivel iha zona globu, kanaliza mós ba projetu investimentu iha Timor-Leste, ho objetivu oferese taxa de juru ki’ik liu ba emprezáriu ne’ebé hakarak atu dezenvolve ninia atividade  iha Timor-Leste no populasaun tomak, tuir akordu prátika internasionál ne’ebé di’ak liu.

“Banku seluk iha Timor Leste seidauk bele fornese ba empreza no ema timoroan sira. Kontrola ninia operasaun tuir Objetivu Dezenvolvimentu Sustentavel ne’ebé define husi konferénsia dala-ruanulu-resin-ida husi Nasaun Unidas kona-ba alterasaun klimátika (COP 21) iha Paris no husi konferénsia (COP 22) iha Maraquexe”, dokumentu informasaun ba mídia ne’e esplika.

Tuir nota imprensa katak, loke ninia atuasaun no aproveita potensial ne’ebé boot husi relasaun estratéjika Timór nian ho nasaun sira seluk, katak pertense iha CPLP no G7+ hanesan mós ligasaun ekonómika ho nasaun membru ASEAN no komunidade súl pasífiku. No Governu Timor-Leste, liu husi MPIE, akompaña prosesu importante ba investimentu estranjeiru ba Timor-Leste.

Ministru Planeamentu no Investimentu Estratéjiku, Xanana Gusmão konsidera, fundamentál ba dezenvolvimentu no fortalesimentu ekonomia empreza nasionál, Timor-Leste tenke iha setór banku ne’ebé kompetitivu, kapasidade atu apoia di’ak liu empreza ki’ik no boot, buka solusaun finanseira ba sira nia negósiu.

“Pretende mós atu bele fó posibilidade ba Timoroan atu asesu ba kondisaun banku nian atu bele loke sira-nian primeiru “negósiu” no hadi’a sira-nia kondisaun moris loron-loron”, nota imprensa ne’e fundamenta.*/ixo


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker