GMN TV Economia Kompanhia internasional la selu taxa 10%, Governu forma ona ekipa levantamentu

Kompanhia internasional la selu taxa 10%, Governu forma ona ekipa levantamentu

8,254 views

Ministru Estadu Koordenador Asuntu Ekonomia no Ministru Agrikultor e Peskas (MEKAE-MAP), Estanislau Aleixo da Silva deklara, oras ne’e dadauk Governu forma ona ekipa ida hodi halo levantametu ba asitasaun ba kompanha estranjeirus ne’ebe laiha sede iha Timor no la selu taxa 10 % ba Estadu.

“Ami halo tiha ona ekipa ida formada husi trade invest no mos ministeriu finansas hodi halo levantamentu ba asitasaun ne’ebe agora dadauk prosesa hela,” hateten Ministru Estado Koordenador Asuntu Ekonomia no Ministru Agrikultor e Peskas (MEKAE-MAP), Estanislau da Silva ba JN-Diário iha Uma fukun Parlamentu Nasional (PN), Tersa (25/4/2017).

Eis membru PN ne’e dehan tan, kuandu la selu impostu tuir loloos diresaun selu impostu tenke kontrola didi’ak, para evita invazaun fiskal.

“Ha’u laiha dadus kompanha estranjeiros hirak, maibe la’os identifika ema la selu impostus, mas idenfika ema sira ne’ebe la implementa, husi parte MEKAE nian identifika katak kompanha sira iha sertifikadu investimentu, maibe la investe,” afirma Estanislau da Silva.

Antes ne’e, bainhira Prokuradoria Jeral Republika (PJR) liu husi aprezentasaun relatoriu anual iha PN deklara katak, maioria kompanha internasional sira ne’ebe maka laiha rezidensia iha Timor Leste (TL) la selu taxa 10 % ba Estadu.

“Ha’u mos hakarak kestiona iha uma fukun ida ne’e katak, tuir faktu konkursu internasional sira Prokuradoria Jeral da Republika detekta katak, kompanha internasional sira ne’ebe la rezidensia iha Timor Leste maioria kuaze laselu taxa 10 % ba Estadu TL, konforme tuir 74, lei numeru 8 kona ba tributaria ninian,” dehan Prokurador Jeral Republika, José da Costa Ximenes foin lalais iha PN.

Tuir PJR nia indentikasaun katak kompanhia la halo tuir, tanba por neglijensia groseru husi funsionariu ministeriu sira ne’ebe hanesan nain ba projetu, laiha linha koordenasaun ne’ebe diak husi ministeriu sira nain ba projetu ho diresaun jeral finansas nian no diresaun impostu nian, ba faktu ida ne’e maka Estadu TL lakon osan barak hodi devia tama ba kofre Estadu, tanba balu 10 % depois la selu.

“Ami nia hanoin di’ak liu tau kedas iha kontratu, ne’ebe automatikamente ministeriu sira ne’e mak hanesan nain ba projeto kontaktu ho ministeriu finansas sira labele halo hanesan tagihan tan maibe osan ne’e tama automatikamente deit ona, ne’e hanesan fo hanoin deit,” dehan nia.

Antes ne’e JN-Diário tenta kuaze dala barak ho Vice Ministru Finansas, Helder Lopes, maibe lakonsege tanba seidauk prepara dadus kompletu. mia


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker