GMN TV Economia Lei investimentu privadu benefisia investor

Lei investimentu privadu benefisia investor

4,719 views

Ministru Estado Koordenador Asuntu Ekonomia no Ministru Agrikultor e Peskas (MEKAE-MAP), Estanislau A. da Silva, hateten katak, lei investimentu privadu sei fo benefisiu ba iha investor nasional no internasional wainhira hakarak investe iha parte ruma.

“Lei ne’e nudar lei estruturante ida ho aprovasaun ona husi parlamentu nasional ne’e ita fo mensagem ida diak tebes ba ita nia setor privadu no mos sira ne’ebe mai husi rai liur iha intensaun atu mai investe iha ita nia rain laran, lei ida ne’e ami redus prosedimentus administrativos no mos hakotu tiha certifikadu investimentu,” hateten MEKAE-MAP, Estanislau A. da Silva ba Jornalista sira iha uma fukun PN, Tersa (25/04/2017).

Nia esplika katak, Governu no PN hakotu tiha certifikadu investimentu ne’e signifika certifikadu investimentu bele halo atrazu, PN fo ba Governu para bele estabelese regulamentus hodi halo monitorizasaun implementasaun investimentu sira ne’ebe maka iha Timor, kuandu lainveste maka Governu bele foti medidas.

Eis membru PN ne’e afirma, la’os deit foti medidas bainhira la investe, maibe mos redus tiha areas sira ne’ebe lahetan benefisius tanba bainhira ema ne’ebe investe iha industria manufacture, agrikultura no peskas bele hetan benefisiu maibe la’os investimentu hot-hotu atu nune’e bele hasa’e mos reseitas ba nasaun.

“Ami sei hadia mos serbisu trade investe nian, agora sei hare liu ba promosaun investementu no esportasaun, maibe sei hare ba dekretu lei kona ba trade investe nian,” sublinha Estanislau A. Da Silva.

Kona ba selu impostus ninian, Governante ne’e dehan Timor iha lei tributaria, ne’ebe ninia proposta ba lei refere Governu finaliza ona, ne’ebe kuandu lei tributaria foun ne’e aprova impostus bazeia ba lei refere.

Entretantu, Ministru Estanislau agradese tebes ba iha PN ne’ebe kolabora tebes ho Governu hodi deskute lei investimentu privadu ikus mai bele aprova ho votus unanimidade, ne’ebe espera katak Prezidente Republika bele promulga.mia


Banner

Foto

Notisia Ikus

UDT apoia dada bee-moos ba komunidade iha Vatu-Vou

October 26, 2021
Partidu Uniaun Demokrátiku Timor (UDT), apoiu f...

KSDS-KE rekomenda PR haruka pedidu estensaun EE ba PN

October 26, 2021
Xefe Casa Civíl Prezidénsia Repúblika, Franci...

Kandidatu ajente administrasaun 93 “kesar” MEJD ba PN

October 26, 2021
Kandidatu Ajente Administrasaun (AA) 93 ne’eb...

CNRT “deteta” artigu balu iha LEO inkonstitusionál

October 26, 2021
Deputada bankada CNRT, Fernanda Lay, deteta, pro...

JFP-ADDD: Jornada polítika iha TL la tuir K-RDTL

October 25, 2021
Movimentu Junta Forsa Polítika Aliadu Defende D...
1 2 3 655

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker