GMN TV Economia TL fo oportunidade ba ema hotu investe, BRI bele fasilita atividades finanseira

TL fo oportunidade ba ema hotu investe, BRI bele fasilita atividades finanseira

2,897 views

Timor Leste nudar nasaun soberanu ne’ebe adopta sistema ekonomia merkadu livre, tanba ne’e, loke oportunidade ba emtu hotu ne’ebe iha interese atu mai halo investimentu iha rai ida ne’e.

Primeiru Ministru (PM), Rui Maria de Araujo, hato’o apresiasaun ba Bank Rakyat Indonesia (BRI) ne’ebe kumpri ona rekejitus hotu hodi halo investimentu iha Timor Leste iha area finanseiran ian.

“Ita nia merkadu livre ba ema ne’ebe deit mak hakarak investe, inklui mos iha merkadu finanseiru. BRI kumpri regras ho leis ne’ebe iha halo investimentu iha rai ne’e,” hateten PM Rui Maria de Araujo,  hodi responde jornalista sira iha Palacio Presidencial,  Kuarta (15/03/2017).

PM Rui Maria de Araujo, hakat ba Palacio Presidencial hodi halo inkontru seminal ho Prezidenti Republika (PR), Taur Matan Ruak, hodi informa situasaun servisu Governu nian.

 PR Rui Araujo konsidera katak, ezistensia BRI bele fo opurtunidade ba emprezariu Timor no mos fasilita komunidade bele asesu ba servisu finanseirus hodi dinamiza diak liu tan ekonomia Timor nian.

“Husi BRI bele fasilita ita emprezariu sira hotu-hotu, fasilita mos ita nia komunidade atu bele hetan asesu ba servisu finanseirus, bele hetan asesu ba kapital hodi nune’e bele dinamiza diak liu tan ita nia ekonomia,” hateten PM Rui Maria de Araujo.

Iha Tersa (14/3/2017), BRI lansa ona ofisial ona ninia ejistensia iha Timor Leste atu fasilita kliente sira kona-ba nesesidades finanseira nian.

BRI sei fasilita uluk ba Timor oan sira ne’ebe mak hala’o aktividade negosiu ki’ik hodi fo imprestimu ho valor entre US$ 100 to’o US$ 20.000.

Ejistensia BRI nian hetan lisensa ofisial  husi Banco Central Timor Leste (BCTL) ho nia kapital investimentu milhoens 4 USD. eus


Banner

Foto

Notisia Ikus

CESLINK bele ona sai empreza telekomunikasaun iha TL

September 17, 2021
Ministériu Transporte Komunikasoins (MTK), Dire...

Governu sei hadia infraestrutura ne’ebé estragu husi DN

September 17, 2021
Primeiru Ministru (PM) Taur Matan Ruak hatete, G...

Fulan oin, ró Berlin-Ramelau to’o TL

September 17, 2021
Ministru Transporte no Komunikasaun (MTK) José ...

Posibilidade Díli implementa uluk new normal

September 17, 2021
Posibilidade Munisípiu Díli, Governu sei imple...

Komisaun rekrutamentu publika ona naran kandidatu F-FDTL foun

September 16, 2021
Komisaun rekrutamentu FALINTIL-Forsa Defeza Timo...
1 2 3 640

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker