GMN TV Economia Krizi institusional implika, Kresimentu ekonómiku TL husi 5,8 tun ba menus 1.6%

Krizi institusional implika, Kresimentu ekonómiku TL husi 5,8 tun ba menus 1.6%

0 views

Reitor Universidade da Paz (UNPAZ), Lucas da Costa ‘Rama Metan’, deklara, situasaun politika Timor-Leste (TL) hodi implika krizi institusional hamonu kresimentu ekonómiku husi 5,8% tun ba 1.6%. 

Lucas da Costa hanesan ekonomista Timor-oan ne’e hateten, kresimentu ekonómiku monu iha últimu trimestre tinan 2017 mai primeiru trimestre tinan 2018.

"Ita-nia kresimentu ekonómiku monu husi sinco virgula oito (5,8) % iha últimu trimestre tinan 2017, ba menus un pontu seis (1.6) % primeiru trimestre tinan 2018, katak iha fulan tolu nia laran ita-nia kresimentu ekonómiku monu maka’as. Ne'e tanba iha periodu ida ne’ebé refere ne'e, osan laiha atu movimenta merkadu, osan laiha atu istimula merkadu no osan laiha atu dinamiza merkadu, tanba osan ne’ebé fakar ba merkadu oituan liu,"Reitor UNPAZ, Lucas da Costa hateten ba GMN iha nia servisu fatin, kampus UNPAZ, Maunleuana-Dili, Sabado (26/5/2018).

Alende tanba osan laiha duni, kreximentu ekonómiku TL monu maka’as, tanba dadauk ne'e Governu Timor Leste, la’o ho orsamentu duo désimu ne’ebé nia montante kiik liu kompara ho Orsamentu Jeral Estadu.

"Tanba ita hatene katak hahú periodu Janeiru to'o agora, fulan lima nia laran, osan ne’ebé fakar ba iha merkadu ne'e osan duo désimu husi Governu, portanto orsamentu duo désimu ne'e signifika kiikoan tanba nia montante hamutuk 260 milloens dolares deit, la’os hanesan Orsamentu Jeral Estadu (OJE), ne’ebé tinan-tinan fakar ba iha merkadu US$ 1.3 no US$ 1.6,billoens ne’ebé osan laiha duni,"hateten Rama Metan.

Observador ekonomia ne'e mos dehan, osan ne’ebé mai barak liu fakar iha merkadu durante ne'e mai husi Estadu to’o 75%, nune'e oras ne'e dadauk TL hasoru problema kreximentu ekonómiku, tanba moris deit ho orsamentu duo désimu.

“Ho deit orsamentu duo désimu ne'e, povu TL infrenta problema barak, liu-liu pagamentu ba idozus no veteranus inklui bolsa da mãe tarde tanba osan laiha duni. Nune'e nia implikasaun ekonomia labele la’o ba oin, sasan folin komesa sa’e, tanba osan oituan no seluk tan hodi provoka inflasaun sa’e,”dehan Rama Metan.

Nia mós dehan, alende tanba osan laiha parte seluk ne’ebé implika ekonomia labele la’o ba oin tanba iha inserteza husi ajentes ekonomia.

"Ezemplu tanba durante ne'e ita importa sasan barak liu-liu nesesidade báziku hanesan Fos, Supermie, inklui material konstrusaun, ne’ebé maioria mai husi rai liur. Tanba ne'e kaundu ema sira ne'e laiha serteza ka laiha fiar mai ita iha tempu ne’ebé konkorda ba malu sira lakohi haruka mai, hodi sasan sira ne'e menus iha merkadu entaun folin tenki sa’e,"afirma Rama Metan.

Nia hatutan, asuntu ne'e la’os problema ne’ebé mak komplikadu los maibe la’os problema ne’ebé fasil mos, nune'e importante mak Governu oin mai bele hili ema iha kapasidade atu bele lori nasaun ne’e ba oin iha aspetu hotu.

"Laos problema komplikadu teb-tebes, mas la’os problema fasil, nune'e ita hein katak Governu agora mai bele hili ema diak ida atu hala’o knaar iha Ministeriu Ekonomia tanba iha primeiru Governu Konstitusional too setimu Governu, ema sira ne’ebé kaer Ministeriu Ekonomia, ema sira ne'e ladun kompriende saida mak ekoonomia. Primeiru sira la kompriende ekonomia ne'e saida? Ekonomia ne'e iha funsaun hat, ida mak kreximentu ekonómika, katak riku soin ema idak-idak nian, familia idak-idak nian, grupu idak-idak nian, nasaun tomak nian tenki aumenta husi loron ba loron, funsaun seluk fali husi ekonómiku nian mak trava sasan nia folin labele sa’e, katak labele halo inflasaun sa’e, funsaun seluk fali mak trava dezemprego katak ema ne’ebé la hetan servisu ne'e labele husik para aumenta husi tempu ba tempu no ida seluk mak balansu entre importasaun no exportasaun, katak ita labele sosa hela deit ema nian tama mai, tanba ita-nia sasan seidauk iha, maibe ita mos tenki faan para osan labele sai deit, maibe mos tenki tama,”dehan tan Rama Metan.

Tanba ne'e, Rama Metan, sujere, ema ne’ebé mak atu ba kaer miniteriu ekonomia tenki iha kompriensaun diak kona hodi lori ekonomia nasaun ne’e ba oin.Ola


Banner

Foto

Notisia Ikus

Prezidente EDTL.EP: La fasil rezolve eletrisidade lakan-mate

October 22, 2021
Prezidente Konsellu Administrasaun Eletrisidade ...

Ramos Horta: TL presiza ospitál modernu

October 22, 2021
Eis Prezidente Repúblika, José Ramos Horta, ha...

Ekipa haat husi MJ sei aranka ba rai-liur

October 22, 2021
Ministru Justisa (MJ), Manuel Carceres, informa,...

ONU sei fó asisténsia ba ElPrez no ElPar

October 21, 2021
Reprezentante Organizasaun Nasaun Unida (ONU) se...

Kalendáriu audiénsia OJE 2022, Komisaun C aprova ona

October 21, 2021
Prezidente Komisaun C, ne’ebé trata asuntu fi...
1 2 3 654

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker