GMN TV Economia SEJT sei limita traballador estranjeiru ■Nain 3.158 mak servisu iha TL

SEJT sei limita traballador estranjeiru ■Nain 3.158 mak servisu iha TL

0 views

Sekretáriu Estadu Juventude no Traballu (SEJT), Nivio Magalhães, deklara, sei limita traballador estranjeiru mai servisu iha Timor-Leste (TL), tamba Timor-oan rasik barak mak iha kapasidade no kualifikadu los atu hala’o servisu.

Nivio Magalhães hateten, tempu to'o ona atu Governu no Estadu tenki limita traballador sira husi rai liur mai servisu iha Timor Leste , kona ba servisu sira ne’ebé lolos Timor oan rasik bele halo.

"Ita iha ona desizaun ida bolu naran dois trez dois, ne’ebé iha laran mensiona ona kona ba servisu sira ne’ebé proibiu ba ema estranjeiru, hanesan resepsionista, kasir, cleaner no seluk tan ne’ebé lolos ema estranjeiru labele halo. Ne’ebé SEJT sei halo inspesaun ba ida ne'e, iha fatin hotu-hotu hodi identifika servisu ida ne'e ema estranjeiru balun halo kalae? Ne’ebé ha’u hanoin ba oin ita presiza halo limitasaun ba servisu sira ne’ebé, Timor oan bele halo no Timor oan iha ona rekursus humanus no kualifikasaun atu halo,"Nivio Magalhães hateten ba GMN iha nia servisu fatin Caicoli-Dili, Kuarta (24/5/2018), relasiona ho númeru traballador estranjeiru iha TL, ba tinan 2018 ne’e atinji ona 3.158.

Nivio afirma, TL nu’udar nasaun ne’ebé nakloke ba ema hotu atu mai servisu, maibe la signifika katak bele utiliza vistu turista hodi hala’o servisu tanba tuir lei ne’ebé mak iha bainhira traballador sira hakarak mai servisu iha ne'e tenki hatama aplikasaun servisu nian.

"So ho ida ne'e deit mak bele servisu, tanba ne'e bainhira ami halo inspesaun mak detekta ami sei servisu hamutuk ho parte imigrasaun hodi fo sansaun, ami sei la tolera ema sira ne’ebé mak halimar ho lei, kuandu koalia kona ba lei laiha diskusaun, no sei la haree ba ida ne’e, ida ne’eba dehan ida ne'e kolega ka se, lei ne'e iha para ema hotu-hotu tenki hakruk sem haree ba kor família no seluk tan,”salienta Nivio.

Nia mos hateten, entidade hotu iha direitu no iha liberdade atu mai servisu iha TL, maibe bainhira ema estranjeiru ida hakarak mai servisu iha TL nu’udar empregador, tenki hatene nia dever tuir artigu 20 no 4/2012. Hanesan mos nu’udar traballador mos tenki hatene nia dever tuir artigu 21 ne’ebé koalia kona ba dever traballador nian.

"Hotu-hotu tenki hakruk ba lei, sira mai iha TImor, Timor iha lei rasik para sira mai tuir, nune'e mos Timor oan sira ne’ebé mak ba halo servisu iha ema nia rain, sira mos sei hakruk ba ema nia lei, tanba ne'e sira ne’ebé mai mos tenki hakruk ba ita-nia lei,”Nivio afirma.

Tuir dadus ne’ebé Diresaun Nasional  Merkadu Traballu, fo sai katak, hahú husi Fulan Janeiru to'o Fulan Maiu ne'e, dadus traballador estranjeiru ne’ebé servisu iha TL hamutuk nain 1.158, iha area oi-oin hanesan konstrusaun sivil, loja, projetu, tekniku restaurante no seluk tan.

Entretantu dadus husi traballador husi tinan 2015 to’o 2017 parte SEJT seidauk,Nivio Magalhães, rasik sidauk hetan dadus husi Diresaun Nasional Merkadu  Traballu.

Iha okaziaun ne’e, Nivio Magalhães, rekomenda ba VIII Governu mai tenki tau mos konsiderasaun ba asuntu ne’e, tanba númeru traballador estranjeiru tama iha Timor kontinua aumenta, nune’e Timor-oan  barak mak sai vítima, kuandu laiha desizaun ida rigorozu.Ola


Banner

Foto

Notisia Ikus

PPN: Singapura rejeita TL adere ba ASEAN ne’e normál

August 5, 2021
Prezidenti Parlamentu Nasional (PPN) Aniceto Gut...

FRETILIN husu Governu hadi’ak implementasaun SB

August 5, 2021
Bankada FRETILIN, sujere Governu atu avalia impl...

Governu laiha kapasidade ezekuta OJE

August 5, 2021
Deputada bankada CNRT, Bendita Moniz Magno, kons...

Kevin Blackstone la kontente husik TL

August 5, 2021
Embaixadór Estadu Unidu Amérika (EUA), Kevin B...

Governu seidauk rekupera estragu sira husi DN

August 4, 2021
Parlamentu Nasionál (PN) kestiona, besik ona fu...
1 2 3 625

About

Grupo Média Nacional was founded on the 19th December, 2003 with the aim of contributing to the development of media in the newly independent Timor-Leste. In that respective year, "Jornal Nacional Semanário" weekly newspaper was launched and in 2005 the Group ... more

Phone: 3311441
Email: [email protected]
Address: Dom boaventura no 8, Bebora Dili, Timor Leste.

GMN Map

Copyright © 2021 GMN TV | All right reserved.
apartmentmap-marker